Salmos 122

1Anchatapunin kusikurqani “haku Señor Diospa wasinman”, niwaqtinku. 2Jerusalén llaqtalláy, punkuykipiñan sayashayku. 3Jerusalenqa allin k'apak perqasqa llaqta hinan. 4Chaymanmi Señor Diospa ayllunkunaqa wichanku, Señor Diosta yupaychanankupaq Israelta kamachisqanman hina. 5Chaypin Davidpa ayllun reykunaqa kamachikunku llaqtanta juzgaspa chaninchanankupaq. 6Jerusalenpi thak-kay kananpaq mañakuychis: Munakuqniykichiskuna sumaqta t'ikarichun. 7Llaqta perqaykichis ukhupi thak-kay kachun, palacioykichiskuna ukhupi allin kawsay kachun, nispa. 8Wawqeykunaraykun amigoykunaraykun nini: Thak-kay, qan Jerusalenpaq kachun, nispa. 9Diosninchis Señor Diospa wasinraykun allinniykita maskhani.

will be added

X\