Salmos 121

1Orqokunata qhawarispaymi nini: ¿Pitaq yanapaykuwanqa? nispa. 2Señor Diosmi yanapaykuwanqa, paymi hanaq pachata kay pachata kamaqqa. 3Manan payqa llusk'anaykita munanqachu, manan waqaychaqniykiqa puñunqachu. 4Manapunin payqa puñuywan aysachikunqachu, manan Israel llaqtata waqaychaqqa puñunqachu. 5Señor Diosmi waqaychaqniyki, Señor Diosmi llanthuykuqniyki, Señor Diosmi yanapaykuqniyki. 6Manan intiqa p'unchaypi imanasunkipaschu, manan killapas tutapi imanasunkipaschu. 7Señor Diosmi tukuy mana allinmanta waqaychasunki, paymi kawsayniykita waqaychanqa. 8Señor Diosmi riqtiykipas kutimuqtiykipas waqaychasunki, kunanpas wiñay-wiñaypaqpas.

will be added

X\