Salmos 120

1Llaki-phutiypi kashaspan Señor Diosta waqyakurqani, paytaqmi kutichimuwarqan. 2Señor Diosníy, llulla runamanta qespichiway, q'otukuq runamanta hark'aykuway. 3Yaw, q'otukuq runa, Diosri, ¿imanasunkitaq? ¿Imaynatataq muchuchisunki? 4Awqa-tinkuqpa ñawch'isapa wach'inankunawanmi, retama k'illimsa sansawanmi Diosqa muchuchisunki. 5¡Imaraqmi Mesecpa mirayninwan tiyayniyqa! ¡Ikiraqmi Cedarpa mirayninwan karpa-karpapi tiyayniyqa! 6Amikuniñan thak-kayta cheqniqkunawan tiyaspa. 7Thak-kay kananta munaq runan kani, thak-kaymanta rimaqtiyqa, maqanakuytapunin munanku.

will be added

X\