Salmos 114

1Egiptomanta Israel lloqsimuqtinmi, wak suyumanta Jacobpa ayllun lloqsimuqtinmi, 2Judaqa Señor Diospa ch'uya tiyanan kapurqan, Israelqa paypa kamachikunan kapurqan. 3Puka Qochan rikuspa ayqerqan, Jordán mayun qhepaman kutirirqan. 4Orqokunan borrego hina p'itaykacharqan, moqokunan oveja uña hina saltaykacharqan. 5Lamar-qocha, ¿imanasunkitaq ayqenaykipaq? Jordán mayu, ¿imanasunkitaq qhepaman kutinaykipaq? 6Orqokuna, ¿imanasunkichistaq borrego hina p'itaykachanaykichispaq? Moqokuna, ¿imanasunkichistaq oveja uña hina saltaykachanaykichispaq? 7Hallp'a pacha, Señor Diospa qayllanpi chhaphchikuy, Jacobpa Diosninpa qayllanpi khatatatay. 8Paymi qaqata unu p'uytuman tukuchin, paymi ch'ila qaqamanta unuta phullpuchimun.

will be added

X\