Salmos 110

1Señor Diosmi Señorniyta nirqan: “Paña ladoypi tiyaykuy, awqaykikunata chaki sarunaykiman churanaykama”, nispa. 2Señor Diosmi Sionmanta kamachikunayki varata qomusunki: ¡Awqaykikunata kamachiy! nispa. 3Ch'uyallaña p'achantin awqa-tinkuyman lloqsiqtiykin llaqtaykiqa paymantakama qatikusunki. Pacha illarimuy sulla hinan p'unchay-p'unchay waynayashanki. 4Señor Diosmi jurarqan: Qanmi Melquisedec hina sacerdote kanki, wiñaypaqmi sacerdote kanki, nispa, jurasqantaqa manan p'akinqachu. 5Señor Diosqa paña ladoykipin kashan, k'arak phiñakusqan p'unchaypin reykunata ñut'unqa. 6Suyukunatan huchachanqa, ayakunatan tawqaykunqa, pachantinpin kamachikuqkunata sarunqa. 7Reyqa ñan pata mayumantan ukyanqa, chaymi kallpachakuspa atipanqa.

will be added

X\