Salmos 101

1Munakuytawan chanin-kaytawanmi takisaq, Señor Diosníy, qanmanmi takisaq. 2Chanintapunin kawsasaq, ¿hayk'aqtaq hamuwanki? Mana huchachanatapunin wasiypipas kawsasaq, 3manapunin ima millaykunapipas yuyasaqchu. Diosmanta t'aqakuqkunaq kawsasqantaqa cheqnikunin, manapunin mayqenninkuwanpas samaykachikusaqchu. 4Karunchasaqmi ñoqamanta millay yuyaykunata, manan ima millay ruwaykunatapas munanichu. 5Pakallapi runamasinmanta mana allinta rimaqtaqa upallachisaqmi, k'ankaykachaqtawan hatunchakuqtawanqa manan hinallatachu qhawasaq. 6Kay suyupi hunt'aqkaq runakunatan sumaqta qhawarisaq, paykunataq ñoqawan tiyanqaku, chanintapuni kawsaqllan serviwanqa. 7Manan ch'achuqa wasiypi tiyanqachu, manan llullaqa qayllaypi takyanqachu. 8Sapa p'unchaymi wañuchisaq suyupi llapan millay runakunataqa, Señor Diospa llaqtanmantan qarqosaq llapan mana chanin ruwaqkunataqa.

will be added

X\