Números 7

1Dioswan Tupana Karpata sayarichiyta tukuspanmi Moisesqa aceitewan karpata ch'aqchuykuspa sapaqcharqan chaypi kashaq serviciokunantinta, hinallataq altartapas serviciokunantinta. 2Chaymantataq runa yupayta yanapaq ayllu umallikuna 3Señor Diosman ofrendankuta apamuspa qorqanku toldosqa soqta carretakunata, chunka iskayniyoq torokunatawan. Chay umallikunaqa iskay-iskaymantan carretata qorqanku, torotataq ichaqa sapanka huktakama qorqanku. Llapan chaykunatan Dioswan Tupana Karpaq ñawpaqenman churarqanku. 4Hinan Señor Diosqa Moisesta nirqan: 5–Chaskiy chay carretakunata torokunatapas Ñoqawan Tupana Karpapi serviwanankupaq, hinaspa chaykunata Leví runakunaman qonki, imapichus sapanka llank'ashanku chayman hina ruwanankupaq, nispa. 6Chaymi Moisesqa carretakunatapas torokunatapas chaskirqan, hinaspa Leví runakunaman qorqan. 7Gersonpa mirayninmanmi qorqan iskay carretata tawa torotawan, llank'anankupaq necesitasqankuman hina. 8Aaronpa churin Itamarpa kamachisqan Merariq mirayninmantaq qorqan tawa carretata pusaq torotawan, llank'anankupaq necesitasqankuman hina. 9Cohatpa mirayninmantaq ichaqa mana qorqanchu carretatapas torotapas, ch'uya kaqkunata rikrankupi apananku kasqanrayku. 10Altarta Señor Diospaq sapaqchashasqanku p'unchaymi ayllu umallikunaqa ofrendankuta apamurqanku, hinaspa altarpa ñawpaqenman churarqanku. 11Hinan Señor Diosqa Moisesta nirqan: –Sapa p'unchaymi huk ayllu umalli ofrendanta apamunqa altarta sapaqchanapaq, nispa. 12Chaymi ñawpaqkaq p'unchay Judá ayllumanta Aminadabpa churin Naasonqa ofrendanta aparqan. 13Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 14Pachak gramo hina pesaq qori pocillon hunt'a inciensoyoq karqan. 15Hinallataq huk torillo, huk anejo, watayoq huk borrego ruphachina sacrificiopaq, 16huk orqo cabra hucha pampachay sacrificiopaq, 17iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 18Iskaykaq p'unchaytaq Isacar aylluq umallin Zuarpa churin Natanael ofrendanta aparqan. 19Paypa ofrendanmi karqan: huk qolqe puruña, chaymi pesarqan huk kiloq kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 20Pachak gramo hina pesaq qori pocillon hunt'a inciensoyoq karqan. 21Hinallataq huk torillo, huk anejo, watayoq huk borrego ruphachina sacrificiopaq, 22huk orqo cabra hucha pampachay sacrificiopaq, 23iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 24Kinsakaq p'unchaytaq Zabulón aylluq umallin Helonpa churin Eliab ofrendanta aparqan. 25Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 26Pachak gramo hina pesaq qori pocillon hunt'a inciensoyoq karqan. 27Hinallataq huk torillo, huk anejo, watayoq huk borrego ruphachina sacrificiopaq, 28huk orqo cabra hucha pampachay sacrificiopaq, 29iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 30Tawakaq p'unchaytaq Rubén aylluq umallin Sedeurpa churin Elisur ofrendanta aparqan. 31Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 32Pachak gramo hina pesaq qori pocillon hunt'a inciensoyoq karqan. 33Hinallataq huk torillo, huk anejo, watayoq huk borrego ruphachina sacrificiopaq, 34huk orqo cabra hucha pampachay sacrificiopaq, 35iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 36Phisqakaq p'unchaytaq Simeón aylluq umallin Zurisadaipa churin Selumiel ofrendanta aparqan. 37Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 38Pachak gramo hina pesaq qori pocillon hunt'a inciensoyoq karqan. 39Hinallataq huk torillo, huk anejo, watayoq huk borrego ruphachina sacrificiopaq, 40huk orqo cabra hucha pampachay sacrificiopaq, 41iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 42Soqtakaq p'unchaytaq Gad aylluq umallin Reuelpa churin Eliasaf ofrendanta aparqan. 43Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 44Pachak gramo hina pesaq qori pocillon hunt'a inciensoyoq karqan. 45Hinallataq huk torillo, huk anejo, watayoq huk borrego ruphachina sacrificiopaq, 46huk orqo cabra hucha pampachay sacrificiopaq, 47iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 48Qanchiskaq p'unchaytaq Efraín aylluq umallin Amiudpa churin Elisama ofrendanta aparqan. 49Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 50Pachak gramo hina pesaq qori pocillon hunt'a inciensoyoq karqan. 51Hinallataq huk torillo, huk anejo, watayoq huk borrego ruphachina sacrificiopaq, 52huk orqo cabra hucha pampachay sacrificiopaq, 53iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 54Pusaqkaq p'unchaytaq Manasés aylluq umallin Pedasurpa churin Gamaliel ofrendanta aparqan. 55Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 56Pachak gramo hina pesaq qori pocillon hunt'a inciensoyoq karqan. 57Hinallataq huk torillo, huk anejo, watayoq huk borrego ruphachina sacrificiopaq, 58huk orqo cabra, hucha pampachay sacrificiopaq, 59iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 60Isqonkaq p'unchaytaq Benjamín aylluq umallin Gedeoniq churin Abidán ofrendanta aparqan. 61Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 62Pachak gramo hina pesaq qori pocillon hunt'a inciensoyoq karqan. 63Hinallataq huk torillo, huk anejo, watayoq huk borrego ruphachina sacrificiopaq, 64huk orqo cabra, hucha pampachay sacrificiopaq, 65iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 66Chunkakaq p'unchaytaq Dan aylluq umallin Amisaipa churin Ahiezer ofrendanta aparqan. 67Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 68Pachak gramo hina pesaq qori pocillon hunt'a inciensoyoq karqan. 69Hinallataq huk torillo, huk anejo, watayoq huk borrego ruphachina sacrificiopaq, 70huk orqo cabra, hucha pampachay sacrificiopaq, 71iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 72Chunka hukniyoqkaq p'unchaytaq Aser aylluq umallin Ocranpa churin Pagiel ofrendanta aparqan. 73Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 74Pachak gramo hina pesaq qori pocillon hunt'a inciensoyoq karqan. 75Hinallataq huk torillo, huk anejo, watayoq huk borrego ruphachina sacrificiopaq, 76huk orqo cabra, hucha pampachay sacrificiopaq, 77iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 78Chunka iskayniyoqkaq p'unchaytaq Neftalí aylluq umallin Enanpa churin Ahira ofrendanta aparqan. 79Paypa ofrendanmi karqan: huk qolqe puruña, chaymi pesarqan huk kilo kuskanninta, huk qolqe p'uku, chaytaq pesarqan kuskan kilo yaparisqata, Dioswan Tupana Karpapi chanin pesanaman hina. Ñut'u hak'uwan aceitewan pitusqawanmi puruñapas p'ukupas hunt'a karqan. 80Pachak gramo hina pesaq qori pocillon hunt'a inciensoyoq karqan. 81Hinallataq huk torillo, huk anejo, watayoq huk borrego ruphachina sacrificiopaq, 82huk orqo cabra, hucha pampachay sacrificiopaq, 83iskay toro, phisqa anejo, phisqa orqo cabra, watayoq phisqa borregotaq sumaq kawsay sacrificiopaq karqan. 84Chhaynatan Israel ayllu umallikunaqa altarta sapaqchashaqtinku ofrendankuta aparqanku chunka iskayniyoq qolqe puruñakunata, chunka iskayniyoq qolqe p'ukukunata, chunka iskayniyoq qori pocillokunatawan. 85Sapanka qolqe puruñan pesarqan huk kilo kuskanninta hina, sapanka p'ukutaq pesarqan kuskan kilo yaparisqata. Llapan qolqe puruñakuna, llapan qolqe p'ukukuna iskay chunka pusaqniyoq kilota hina pesarqan, Dioswan Tupana Karpapi chanin pesanaman hina. 86Chunka iskayniyoq qori pocillokunataq hunt'a inciensoyoqkama karqan, chaykunan sapanka pesarqan pachak gramota hina, Dioswan Tupana Karpapi chanin pesanaman hina. Llapan qori pocillokunan pesarqan huk kilo kuskanninta hina. 87Ruphachina sacrificiopaq uywakunan llapan karqan chunka iskayniyoq torillokuna, chunka iskayniyoq anejokuna, watayoq borregokuna chunka iskayniyoq, sapanka t'aqa uywakuna ruru ofrendantinkama. Hucha pampachay sacrificiopaqtaq chunka iskayniyoq orqo cabrakuna karqan. 88Sumaq kawsay sacrificiopaq uywakunataq llapan karqan iskay chunka tawayoq torillo, soqta chunka anejo, soqta chunka orqo cabra, watayoq borregotaq soqta chunka. Chaykunan karqan aceitewan ch'aqchuykusqaña altarta sapaqchanapaq ofrendakuna. 89Moisesmi Dioswan Tupana Karpata haykurqan Señor Dioswan rimaq, hinaspan Señor Diospa kunkanta uyarirqan rimanakuy arcaq patanpi kashaq iskay querubinkunaq chawpinmanta.

will be added

X\