Números 28

1Señor Diosmi Moisesta nirqan: 2–Israel runakunata kamachiy, Señor Diosmi nin: Unanchasqa kasqan tiempopin mikhuna ofrendakunata haywawankichis, chay ofrendaq sumaq q'apaynin sonqoyman chayaq kananpaq. 3Ruphachina sacrificiota hina sapa p'unchay haywawanaykichis mikhuna ofrendaqa mana imanasqa allinnin watayoq iskay borregon kanqa. 4Chaykunatan haywawankichis, tutamanta hukta tardentaq hukkaqta. 5Borregotawan kuskan ruru ofrendata haywawankichis huk litro olivo aceitepi pitusqa iskay kilo ñut'u hak'uta. 6Ruphachina sacrificiota hina sapa p'unchay haywawanaykichis mikhuna ofrendaqa Sinaí orqopi unanchasqan karqan, chaypa sumaq q'apaynin sonqoyman chayaq kananpaq. 7Hinallataq sapanka borregotawan kuska huk litro vinota haywawankichis, hinaspa altar qayllapi ñoqapaq hich'ankichis. 8Tarde haywana borregotaqa tutamanta ruwasqaykichis kikillantan haywawankichis, ruru ofrendantinta, hich'aykunapaq vino ofrendantinta ima. Chaykunaqa mikhuna ofrendakunan, sumaq q'apaynintaq sonqoyman chayan. 9Samana p'unchaykunapiqa haywawankichis mana imanasqa watayoq iskay borregokunata, ruru ofrendatawan aceitepi pitusqa tawa kilo ñut'u hak'uta, hich'aykunapaq vino ofrendatawan. 10Chay ruphachina sacrificiotan samana p'unchaykunapi haywawankichis, sapa p'unchay ruphachina sacrificiotaqa hich'aykunapaq vino ofrendantinta haywallawankichispunin. 11Sapa killa qallariy p'unchaymi ruphachina sacrificiota ñoqaman haywawankichis, mana imanasqa iskay torillota, huk anejota, watayoq qanchis borregotawan. 12Sapanka torillotan haywawankichis ruru ofrendatawan aceitepi pitusqa soqta kilo ñut'u hak'uta, anejotataq aceitepi pitusqa tawa kilo ñut'u hak'utawan, 13hinallataq sapanka borregotapas aceitepi pitusqa iskay kilo ñut'u hak'utawan. Chaykunaqa mikhuna ofrendan kanqa, sumaq q'apaynintaq sonqoyman chayaq kanqa. 14Sapankaman tupaqnin hich'aykuna vino ofrendan kanqa, iskay litro vino sapanka torillopaq, huk litro phasmin vino sapanka anejopaq, huk litro vinotaq sapanka borregopaq. Chay ruphachina sacrificiokunataqa sapa mosoq killa rikhuriypin haywawankichis. 15Hinallataq haywawankichis huk orqo cabrata hucha pampachay sacrificiopaq, sapa p'unchay ruphachina sacrificiotaqa hich'aykunapaq vino ofrendantintan haywallawankichispuni. 16Wata qallariy killaq chunka tawayoq p'unchayninpin ñoqaq sutiypi Pascua Fiestata ruwankichis. 17Chunka phisqayoq p'unchaypin hatun fiestata qallarinkichis, hinaspan qanchis p'unchay mana qonchuyoq t'antata mikhunkichis. 18Chay fiesta qallariy p'unchaypiqa yupaychawanaykichispaqmi huñukunkichis, amataq imatapas llank'ankichischu. 19Ruphachina sacrificiota hinan mikhuna ofrendata haywawankichis mana imanasqa iskay torillota, huk anejota, watayoq qanchis borregotawan. 20Sapanka torillota haywawankichis ruru ofrendatawan aceitepi pitusqa soqta kilo ñut'u hak'uta, anejota aceitepi pitusqa tawa kilo ñut'u hak'utawan, 21sapanka borregotapas aceitepi pitusqa iskay kilo ñut'u hak'utawan. 22Haywallawankichistaq huk orqo cabrata hucha pampachay sacrificiopaq. 23Tukuy chay sacrificiokunatan haywawankichis, sapa p'unchay tutamanta haywawanaykichis ruphachina sacrificioqa sapaqmi kanqa. 24Ahinatan chay fiestapi sapa p'unchay mikhuna ofrendakunata haywawankichis, chaykunaq sumaq q'apaynin sonqoyman chayaq kananpaq. Sapa p'unchay ruphachina sacrificiotaqa hich'aykunapaq vino ofrendantintan haywallawankichispuni. 25Qanchiskaq p'unchaypiqa yupaychawanaykichispaqmi huñukunkichis, aman imatapas llank'ankichischu. 26Semanakuna Fiesta nisqa Cosecha Fiestapi ñawpaqkaq ruruta haywaspa yupaychawanaykichispaqmi huñukunkichis, amataq imatapas llank'ankichischu. 27Chay p'unchaymi ruphachina sacrificiota haywawankichis iskay torillota, huk anejota, watayoq qanchis borregotawan. 28Sapanka torillota haywawankichis ruru ofrendatawan aceitepi pitusqa soqta kilo ñut'u hak'uta, anejota aceitepi pitusqa tawa kilo ñut'u hak'utawan, 29sapanka borregotapas aceitepi pitusqa iskay kilo ñut'u hak'utawan. 30Haywallawankichistaqmi huk orqo cabrata hucha pampachay sacrificiopaq. 31Chay ruphachina sacrificiokunapas tupaqnin ruru ofrendakunapas, hich'aykunapaq vino ofrendakunapas, sapa p'unchay haywawanaykichis ruphachina sacrificiomantaqa sapaqmi kanqa. Chay haywawanaykichis uywakunaqa mana imanasqan kanqa.

will be added

X\