Nehemías 12

1Salatielpa churin Zorobabelwan Jesuapiwan kutimuq sacerdotekunapas Leví runakunapas kaykunan karqan: Sacerdotekunamanta: Seraías, Jeremías, Esdras, 2Amarías, Maluc, Hatús, 3Secanías, Rehum, Meremot, 4Iddo, Gineto, Abías, 5Mijamín, Maadías, Bilga, 6Semaías, Joiarib, Jedaías, 7Salú, Amoc, Hilcías, Jedaiaspiwan. Chaykunan Jesuaq tiemponpi sacerdote-masinkunaq umallinkuna karqanku. 8Leví runakunamanta: Jesúa, Binúi, Cadmiel, Serebías, Judá, Mataniaspiwan. Mataniasmi Leví runa-masinkunapiwan yupaychay takikuna takichiq karqanku. 9Paykuna takishaqtinkutaq Bacbuquías, Uni, Leví runa-masinkunapiwan chimpankumanta takispa kutichimurqanku. 10Jesuan churiyarqan Joiacimta, Joiacimtaq churiyarqan Eliasibta, Eliasibtaq churiyarqan Joiadata, 11Joiadataq churiyarqan Jonatanta, Jonatantaq churiyarqan Jaduata. 12Joiacimpa tiemponpi ayllu umalli runa sacerdotekunan kaykuna karqan: Seraiaspa ayllunmanta: Meraías, Jeremiaspa ayllunmanta: Hananías, 13Esdraspa ayllunmanta: Mesulam, Amariaspa ayllunmanta: Johanán, 14Melicupa ayllunmanta: Jonatán, Sebaniaspa ayllunmanta: José, 15Harimpa ayllunmanta: Adna, Meraiotpa ayllunmanta: Helcai, 16Iddoq ayllunmanta: Zacarías, Ginetonpa ayllunmanta: Mesulam, 17Abiaspa ayllunmanta: Zicri, Miniaminpa ayllunmanta: ..., Moadispa ayllunmanta: Piltai, 18Bilgaq ayllunmanta: Samúa, Semaiaspa ayllunmanta: Jonatán, 19Joiaribpa ayllunmanta: Matenai, Jedaiaspa ayllunmanta: Uzi, 20Salaipa ayllunmanta: Calai, Amocpa ayllunmanta: Eber, 21Hilciaspa ayllunmanta: Hasabías, Jedaiaspa ayllunmantataq: Natanael. 22Leví ayllu umalli runakunaq sacerdote ayllu umalli runakunaq sutinkun qelqasqa karqan Eliasibpa, Joiadaq, Johananpa, Jaduaq kawsasqanku p'unchaykamalla. Chay suti qelqayqa Persia suyu rey Darío kamachikunankamallan karqan. 23Leví ayllu umalli runakunaq sutinkunataq qelqasqa karqan Eliasibpa nieton Johananpa kawsasqan p'unchaykamalla. 24Leví ayllu umalli runakunataq karqan: Hasabías, Serebías, Jesúa, Binúi, Cadmielpiwan. Leví runa-masinkunataq paykunaq chimpanpi karqanku yupaychanankupaq Señor Diosman graciasta qonankupaq, tupaqnin t'aqapi takispanku, Dios sonqo runa Davidpa kamachikusqanman hina. 25Matanías, Bacbuquías, Obadías, Mesulam, Talmín, Acubpiwanmi punku qhawaqkuna karqan, hinallataq punku qaylla taqe wasikunatapas qhawarqanku. 26Paykunan servirqanku Josadacpa churin Jesuaq churin Joiacimpas kamachikuq Nehemiaspas hamawt'a sacerdote Esdraspas kawsashaqtinku. 27Jerusalén perqata Diosman sapaqchananku p'unchay chayamuqtintaq, Leví runakunata maskharqanku tukuy tiyasqanku cheqaskunapi. Hinaspa Jerusalenman pusarqanku perqa sapaqchaypi ancha kusisqa yupaychaykunata takiykunata takinankupaq, platillota, arpakunata tocanankupaq. 28Leví runakunamanta takiqkunan huñukamurqanku Jerusalén muyuriq llaqtachakunamanta, Netofa muyuriq llaqtachakunamanta, 29Bet-gilgal llaqtamanta, Geba llaqtamanta Azmavet llaqtamantawan, paykunan Jerusalén muyuriqpi llaqtachakunata ruwakurqanku. 30Chaymantataq sacerdotekunapas Leví runakunapas, ch'uyanchakurqanku, ch'uyanchallarqankutaq runakunatapas, punkukunatapas, perqatapas. 31Hinamantataq Judá umallikunata perqa pataman seqanankupaq kamachirqani, takiqkunatataq iskay hatun t'aqata churarqani, Diosman graciasta qonankupaq muyuriq perqa patapi purinankupaqwan. Huk t'aqan paña lado Q'opa Hich'ana Punku cheqasman rirqan. 32Qhepankutataq rirqanku Osaías, Judá kuskan umallikuna, 33Azarías, Esdras, Mesulam, 34Judá, Benjamín, Semaías, Jeremiaspiwan. 35Sacerdotekunamantataq cornetata tocaspa riysirqan Jonatanpa churin Zacarías, paypa ñawpa taytankunan karqan: Semaías, Matanías, Micaías, Zacur, Asafpiwan. 36Hinallataq wawqenkunapas Semaías, Azarael, Milalai, Maai, Natanael, Judá, Hananipiwan riysirqanku, Dios sonqo runa Davidpa tocanankunata tocaspa. Hamawt'a Esdrastaq ñawpaqenkuta rirqan. 37Unu Pukyu Punkuman chayaspataq uraykurqanku, hinaspa Davidpa Llaqtanman pata-patata seqarqanku. Davidpa wasin cheqasta pasaspankutaq, Unu Punku cheqas perqaman chayarqanku, chaymi llaqta inti lloqsimuy cheqaspi karqan. 38Hukkaq t'aqañataq lloq'e ladonta rirqanku, ñoqataq qhepankuta rirqani Judá kuskan umallikunapiwan. Hornokunaq Torren nisqamanta Ancho Perqakama rispayku 39pasarqayku Efraín Punkuta, Ñawpa Punkuta, Challwa Punkuta, Hananeel Torre nisqata, Pachak Runaq Torren nisqatawan. Hinaspa Oveja Punkuman chayarqayku, chaymantataq Guardia Punkupi sayaykurqayku. 40Chaymantan iskaynin takiq t'aqakuna Diospa wasinpi sayarqanku, ñoqapas umallikunapiwan kuska. 41Kay sacerdotekunan cornetata tocaspa chaypi kasharqanku: Eliacim, Maaseías, Miniamín, Micaías, Elioenai, Zacarías, Hananiaspiwan. 42Kashallarqankutaq Maasías, Semaías, Eleazar, Uzi, Johanán, Malquías, Elam, Ezerpiwan. Takiqkunataq Izrahiaspa takichisqan takiykurqanku. 43Chay p'unchaypin askha sacrificiota haywarqanku, runakunataq anchata kusikurqanku paykunata Dios kusichisqanrayku. Warmikunapas wawakunapas ancha kusisqallañan kasharqanku, chaymi Jerusalenpi q'ochukusqanku karumanraq uyarikurqan. 44Judá runakunan ancha kusisqa karqanku sacerdotekunaq Leví runakunaq llank'ashasqankumanta. Chay p'unchaypitaq runakunata akllarqanku Diospa wasinpi taqekunata waqaychanankupaq. Chay taqemanmi apaqku qokuykunata, rurukunamanta ñawinninta, diezmokunatawan. Akllasqa runakunaqa sapanka llaqta chakrakunamanta qonankuta sacerdotekunapaq Leví runakunapaq, Diospa kamachikuyninman hina huñurqanku. 45Sacerdotekuna, Leví runakuna, takiqkuna, punku qhawaqkuna Diosta yupaychanapaq huñukuqku, hinallataq ch'uyanchakuy ruwaytapas hunt'aqku, Davidpapas churin Salomonpapas kamachikusqanman hina. 46Ñawpaqñan Davidpa tiemponpipas Asafpa tiemponpipas kasqa takichiqkuna, yupaychay takikuna, Diosman gracias-qoy takikunapiwan. 47Hinallataq Zorobabelpa tiemponpipas Nehemiaspa tiemponpipas llapallan Israel runakuna takiqkunaman punku qhawaqkunaman sapa p'unchay mikhunata qorqanku. Paykunan Leví runakunaq tupaqninta Leví runakunaman qorqanku, Leví runakunataq Aaronpa mirayninpa tupaqninta Aaronpa mirayninman qorqanku.

will be added

X\