Nehemías 11

1Llaqta umalli runakunataq Jerusalenpi tiyarqanku. Wakin runakunan sortearqanku sapanka chunka familiamanta huk familiata akllanankupaq. Chay akllasqa familiakunan Jerusalén ch'uya llaqtapi tiyaq rinanku karqan, wakin runakunataq llaqtankupikama qhepakurqanku. 2Runakunan samincharqanku hayk'an kikinkumanta Jerusalenpi tiyanankupaq rimariqkunata. 3Wakin Israel runakunañataq, sacerdotekuna, Leví runakuna, Diospa wasinpi llank'aqkuna, Salomonpa kamachinkunaq mirayninkuna, Judapi tiyarqanku sapanka llaqtankupi hallp'ankupikama. 4Kaykunan Jerusalenpi tiyaq Judá ayllumanta, Benjamín ayllumanta umallikuna karqan: Judá ayllumanta: Uziaspa churin Ataías, paypa ñawpa taytankunan karqan Zacarías, Amarías, Sefatías, Mahalaleelpiwan, paykunan Farespa mirayninmanta karqanku. 5Barucpa churin Maasiaspa ñawpa taytankunan karqan: Colhoze, Hazarías, Adaías, Joiarib, Zacarías, Silonipiwan. 6Farespa mirayninmanta llapan Jerusalenpi tiyaqkunan tawa pachak soqta chunka pusaqniyoq allin qharikuna karqanku. 7Benjamín ayllumanta: Mesulampa churin Salupa ñawpa taytankunan karqan: Joed, Pedaías, Colaías, Maasías, Itiel, Jesaiaspiwan. 8Hinallataq Salupa wawqen Gabai, Salaipiwan, llapanku karqanku Benjamín ayllumanta isqon pachak iskay chunka pusaqniyoq. 9Umallinkutaq Zicriq churin Joel karqan, payman qatiq llaqta umallitaq Senuaq churin Judá karqan. 10Sacerdotekunamanta: Joiaribpa churin Jedaías, Jaquín, 11Hilciaspa churin Seraiaspiwan. Seraiaspa ñawpa taytankunan karqan: Mesulam, Sadoc, Meraiot, Ahitobpiwan. Ahitobmi karqan Diospa wasinpi umalli sacerdote. 12Diospa wasinpi llank'aq-masinkunataq pusaq pachak iskay chunka iskayniyoq karqan. Jerohampa churin Adaiaspa, ñawpa taytankunan karqan: Pelaías, Amsi, Zacarías, Pasur, Malquiaspiwan. 13Adaiaspa ayllunkunaqa iskay pachak tawa chunka iskayniyoq umalli runakunan karqanku. Azarielpa churin Amasaipa ñawpa taytankunan karqan Azai, Mesilemot, Imerpiwan. 14Amasaipa ayllunmantan pachak iskay chunka pusaqniyoq allin maqanakuq qharikuna karqan. Umallinkutaq Gedolimpa churin Zabdiel karqan. 15Leví runakunamanta: Hasubpa churin Semaías, paypa ñawpa taytankunan karqan Azricam, Hasabías, Bunipiwan. 16Sabetaiwan Jozabadwanmi, Leví runakunaq umallinkuna karqanku, Diospa wasin qayllapi llank'anakunata llank'achiq. 17Mecaiaq churin Matanías, paypa ñawpa taytankunan karqan Zabdi, Asafpiwan. Mataniasqa Diospa wasinpi takiqkunata takichiqmi karqan, paykunan mañakuy horas yupaychayta gracias qoytawan takirqanku. Bacbuquiasmi wawqen Matanías yanapaq karqan. Samuaq churin Abda, paypa ñawpa taytankunan karqan Galal, Jedutunpiwan. 18Ch'uya llaqtapi tiyaq llapan Leví runakunan iskay pachak chunka tawayoq karqanku. 19Punku qhawaqkunamanta: Acub, Talmón, wawqenkunapiwan. Paykunan punkukunata qhawaq karqanku, pachak qanchis chunka iskayniyoq. 20Wakin Israel runakuna, sacerdotekuna, Leví runakuna Judapi tiyarqanku sapanka llaqtankupi hallp'ankupikama. 21Diospa wasinpi llank'aqkunataq Ofel nisqa moqo qallariypi tiyarqanku, umallinkutaq Ziha, Gispapiwan karqan. 22Jerusalenpi tiyaq Leví runakunaq umallintaq Baniq churin Uzi karqan. Ñawpa taytankunan karqan Hasabías, Matanías, Micaiaspiwan. Uziqa Asafpa mirayninmantan karqan, Asafpa mirayninkunan Diospa wasinpi takikunata takichiq karqanku. 23Ñawpaqñan reyqa takiqkunapaq kamachikusqa t'aqankuman hina sapa p'unchay takichinankupaq. 24Judá ayllu Zeraq mirayninmanta Mesezabeelpa churin Petaiastaq Israel runakunaq tukuy kawsayninmanta Persia reyman willaqpaq churasqa karqan. 25Wakin Judá ayllu runakunataq tiyarqanku Quiriat-arba llaqtapi, Dibón llaqtapi, Jecabseel llaqtapi, 26Jesúa llaqtapi, Molada llaqtapi, Bet-pelet llaqtapi, 27Hazar-sual llaqtapi, Beerseba llaqtapi, 28Siclag llaqtapi, Mecona llaqtapi, 29En-rimón llaqtapi, Zora llaqtapi, Jarmut llaqtapi. 30Zanoa llaqtapi, Adulam llaqtapi, Laquis llaqtapi, Azeca llaqtapiwan, sapanka ayllunkupi hallp'ankupikama. Ahinatan Beersebamanta Hinom Wayq'okama tiyarqanku. 31Benjamín ayllu runakunataq tiyarqanku Geba llaqtapi, Micmas llaqtapi, Aía llaqtapi, Betel llaqtapi ayllunkunapiwan, 32Anatot llaqtapi, Nob llaqtapi, Ananías llaqtapi, 33Hazor llaqtapi, Ramá llaqtapi, Gitaim llaqtapi, 34Seboim llaqtapi, Nebalat llaqtapi, 35Lod llaqtapi, Ono llaqtapi, Llank'aqkunaq Wayq'on nisqapiwan. 36Judá ayllu hallp'api tiyaq Leví runakunaq wakin t'aqankunataq Benjamín aylluman tiyaq ripurqanku.

will be added

X\