Nehemías 10

1Chay qelqata seq'espa selloykuqkunan karqanku: Hacaliaspa churin kamachikuq Nehemías, Sedequiaspiwan. 2Sacerdotekunamanta: Seraías, Azarías, Jeremías, 3Pasur, Amarías, Malquías, 4Hatús, Sebanías, Maluc, 5Harim, Meremot, Obadías, 6Daniel, Ginetón, Baruc, 7Mesulam, Abías, Mijamín, 8Maazías, Bilgai, Semaiaspiwan. 9Leví runakunamanta: Azaniaspa churin Jesúa, Henadadpa mirayninmanta Binúi, Cadmiel, 10paykunaq wawqenkuna Sebanías, Hodías, Kelita, Pelaías, Hanán, 11Micaía, Rehob, Hasabías, 12Zacur, Serebías, Sebanías, 13Hodías, Bani, Beninupiwan. 14Llaqta umalli runakunamanta: Paros, Pahat-moab, Elam, Zatu, Bani, 15Buni, Azgad, Bebai, 16Adonías, Bigvai, Adín, 17Ater, Ezequías, Azur, 18Hodías, Hasum, Bezai, 19Harif, Anatot, Nebai, 20Magpías, Mesulam, Hezir, 21Mesezabeel, Sadoc, Jadúa, 22Pelatías, Hanán, Anaías, 23Oseas, Hananías, Hasub, 24Halohes, Pilha, Sobec, 25Rehum, Hasabna, Maasías, 26Ahías, Hanán, Anán, 27Maluc, Harim, Baanapiwan. 28Ñoqayku, sacerdotekuna, Leví runakuna, punku qhawaqkuna, takiqkuna, Diospa wasinpi llank'aqkuna, Diospa kamachikuy siminta hunt'anankupaq kay suyu runakunamanta t'aqakuqkuna, ñoqaykupas warmiykupas, churiykupas, ususiykupas yuyayniyoqña erqeykupas, 29llapallaykun wawqeykupiwan umalliykupiwan huk-nisqalla juraspa kay hinata rimanakuyku: Ñoqaykun jurayku Moisespa willasqan Diospa kamachikuy siminman hina kawsanaykupaq, hinallataq Señor Diospa tukuy kamachikuyninta chaninchayninta, unanchaynintawan cheqaqta hunt'anaykupaq. 30Chaymi yuyaykuyku manaña ususiykuta mana judío runakunawan casarachinaykupaq, manallataq churiykutapas ususinkuwan casarachinaykupaq. 31Hinallataq kay suyu runakuna samana p'unchaypipas Diospaq t'aqasqa p'unchaypipas qhatunankuta rurukunatapas vendenankupaq apamuqtinkuqa, manapunin rantisaqkuchu. Chakraykutapas qanchiskaq watapiqa manan llank'asaqkuchu, llapaykun manusqaykutapas pampachapusaqku. 32Yuyaykullaykutaqmi sapa wata tawa gramo qolqeta Diosninchispa wasinpaq qonaykuta. Chay qolqen kaykunapaq kanqa: 33Ch'uya Cheqaspi churana t'antapaq, sapa p'unchay ruru ofrendapaq, sapa p'unchay ruphachina sacrificiopaq, samana p'unchaykuna sacrificiopaq, mosoq killa rikhuriy p'unchaykuna sacrificiopaq, fiestakuna sacrificiopaq, Israel runakunaq huchan pampachay sacrificiopaq, hinallataq tukuy wakin ofrendakunapaq, Diosninchispa wasinpi tukuy yupaychaykunapaqpas. 34Ñoqayku sacerdotekuna, Leví runakuna, llapa runakuna, sapa wata sorteasaqku mayqen aylluchus Diosninchispa wasinman llant'ata apanman chayta yachanaykupaq. Chay llant'aqa Diosninchis Señorpa altarninpi ruphachinapaqmi kanqa, kamachikuy simipi qelqasqaman hina. 35Hinallataq Señor Diospa wasinman chakraykumantapas llapan fruta sach'aykumantapas ñawpaqkaq ruruta sapa wata apasaqku. 36Ahinallataq Diospa wasinpi llank'ashaq sacerdotekunaman apasaqku phiwi churiykuta, ovejaykuq ñawpaq wachay uñanta, wakaykuq ñawpaq wachay uñanta, kamachikuy simipi qelqaman hina. 37Sapa watan sacerdotekunapaq apallasaqkutaq Diosninchispa wasinpi taqekunaman hak'umanta, ruru ofrendamanta, tukuy sach'a rurumantawan, vinomantawan, aceitemantawan ñawinnintakama. Leví runakunamanpas apallasaqkutaq cosechaykumanta diezmoykuta, paykuna llapan llaqtaykupi diezmokunata chaskiq kasqankurayku. 38Aaronpa miraynin huk sacerdotetaq puriysinqa diezmo chaskiq riq Leví runakunata, chay chaskisqanku diezmomantataq Leví runakuna diezmonkuta t'aqallanqakutaq, Diosninchispa wasin taqekunaman apanankupaq. 39Leví runakunapas Israel runakunapas trigonkumanta, vinonkumanta, aceitenkumanta wakinta Diospaq t'aqaspanku, taqekunaman apanqaku. Chay taqe wasipin ch'uya serviciokuna kashan, chayllapitaq llank'aq sacerdotekunapas punku qhawaqkunapas takiqkunapas kashanku. Ahinatan prometekuyku Diospa wasinta maki qhawanaykupaq.

will be added

X\