Levítico 11

1Señor Diosmi Moisestawan Aarontawan nirqan: 2–Israel runakunata nimuychis: Campo animalkunamantaqa mikhuwaqchismi mayqenpas, 3p'alqa phapatuyoq kutirpakuqkunata 4Camelloqa mana mikhunan qankunapaq kanqa, kutirpakuqmi ichaqa manan p'alqa phapatuyoqchu. 5Aman mikhunkichischu k'ita qowita, kutirpakunmi ichaqa manan p'alqa phapatuyoqchu, chayqa mana mikhuna qhellin qankunapaqqa kanqa. 6Aman mikhunkichischu wisk'achata, kutirpakunmi ichaqa manan p'alqa phapatuyoqchu, chayqa mana mikhuna qhellin qankunapaqqa kanqa. 7Aman mikhunkichischu khuchita, p'alqa phapatuyoqmi ichaqa manan kutirpakunchu, chayqa mana mikhuna qhellin qankunapaqqa kanqa. 8Aman chay animalkunaq aychantaqa mikhunkichischu, amallataq chaykuna wañusqatapas llamiykunkichischu. Chaykunaqa mana mikhuna qhellin qankunapaqqa kanqa. 9Lamar-qochapipas mayukunapipas tiyaq animalkunataqa pharpayoqkunatan sarphayoqkunatan mikhunkichis. 10Ichaqa lamar-qochapipas mayukunapipas mana pharpayoq mana sarphayoq animalkunataqa millakunkichismi. 11Aman chay animalkunaq aychantaqa mikhunkichischu, chay wañusqakunatapas millakunkichismi. 12Unupi kaq tukuy mana pharpayoqkunataqa mana sarphayoqkunataqa millakunkichismi. 13Phalaq animalkunataqa kaykunatan millakuspa ama mikhunkichischu: ankata, kunturta, qocha ankata, 14k'illinchata, tukuy t'aqa ankata, 15tukuy t'aqa alqamarita, 16surita, ch'useqta, tukuy t'aqa wamanta, 17hukuta, cormoranta, pikpirita, qellwata, 18cisneta, pelicanota, suweq'arata, 19cigüeñata, tukuy t'aqa waqarta, abubillata, masu huk'uchata ima. 20Tawa chakiwan puriq raphrayoq llapa kurutaqa millakunkichismi. 21Chaywanpas tawa chakiwan puriq raphrayoq llapa kurutaqa mikhuwaqchismi, ichaqa chakinkunamanta moqoyoqmi kanan chaykunawan t'iwkananpaq. 22Mikhuwaqchismi tukuy t'aqa langostata, tukuy t'aqa ch'illikuta, tukuy t'aqa t'isku-t'iskutapas. 23Wakin raphrayoq tawa chakiyoq kurutaqa millakunkichismi. 24Pipas wañusqa cuerpota llamiykuqqa ch'isinkaman qhelli kanqa 25Pipas chaykunaq wañusqa cuerponta hoqariqpas p'achankunatan t'aqsanqa, ch'isinkamataq qhelli kanqa. 26Llapa mana p'alqa phapatuyoq, mana kutirpakuq animalqa qhellin qankunapaqqa kanqa, chaykuna llamiykuqpas qhellin kanqa. 27Tawa chakiyoq animalkunamantaqa chaki plantan sillowan puriq animalmantapas qhellin kanqa, pipas wañusqa cuerpota llamiykuqqa qhellin ch'isinkama kanqa. 28Pipas chay wañusqa cuerpota hoqariqqa p'achantan t'aqsakunqa, ch'isinkamataq qhelli kanqa. Chay animalkunaqa qankunapaqqa qhellin kanqa. 29Pampanta puriq huch'uy animalkunaqa kaykunan qankunapaq mana mikhuna kanqa: achuqalla, huk'ucha, tukuy t'aqa qaraywakuna. 30Hinallataq erizo, cocodrilo, camaleonkunapas. 31Chay animalkunan qankunapaqqa mana mikhuna kanqa, pipas chay wañusqakunata tupaykuqqa ch'isinkaman qhelli kanqa. 32Ima patamanpas chay wañusqakuna urmaykunqa chayqa, qhellin chayqa kanqa, k'ullupas, p'achapas, qarapas, costalpas, ima ruwanapiwanpas. Unuman chapusqan kanqa, ch'isinkamataq qhelli qhepanqa, chaymantañan ch'uya kapunqa. 33Chay huknin wañusqachus ima t'uru mankamanpas urmaykunqa chayqa, chay ukhupi kaqkunantinmi qhelli kanqa, mankatapas p'akipunkichismi. 34Chay mankapi unu ima mikhunamanpas hich'aykukunqa chayqa, chay mikhunaqa qhellin kanqa. Ima ukyanapas chay mankapi kaqqa qhellin kanqa. 35Chay wañusqakuna ima patamanpas urmaykuspaqa qhellichanqan. Hornotapas q'onchatapas thuninkichismi, qhellin chaykunaqa qankunapaqqa kanqa. 36Unu pukyuwan p'uytullawanmi ichaqa ch'uyallapuni kashanqa, aswanpas chay wañusqakunata tupaykuqqa qhellin kanqa. 37Chay animalkunamanta mayqen wañusqapas urmaykunqa tarpunapaq kaq ima muhumanpas chayqa, manan qhellichasqachu kanqa. 38Chay mayqen wañusqapas chullusqa muhuman urmaykunqa chayqa, qankunapaqqa chay muhuqa qhellin kanqa. 39Mikhunaykichis ima animalpas wañunqa chayqa, chay wañusqata tupaykuqqa ch'isinkaman qhelli kanqa. 40Pipas chay wañusqa aychata mikhuqpas hoqariqpas p'achankunatan t'aqsakunqa, ch'isinkamataq qhelli kanqa. 41Pampanta suchuq llapa huch'uy animalqa qhellin, aman mikhunkichischu. 42Hinallataq qhasqonwan suchuqtapas, tawa chakinwan puriqtapas, askha chakiwan puriqtapas, aman mikhunkichischu, chaykunaqa qhellin. 43Ama chay animalkunawanqa map'achakuychischu qhellichakuychischu, amataq chaykunawanqa qhellichachikuychischu. 44Ñoqan Diosniykichis Señor Dios kani, qankunaqa ñoqapaq t'aqasqa kaychis, ch'uya kaychis ñoqa ch'uya kasqayrayku. Ama pampanta suchuq mayqen animalwanpas qhellichakuychischu. 45Ñoqan Señor Diosqa kani, Diosniykichis kanaypaqmi Egipto suyumanta horqomurqaykichis. Ch'uya kaychis ñoqa ch'uya kasqayrayku. 46Chaykunan uywakunamanta kamachisqa simiqa, hinallataq phalaq animalkunamantapas, unupi kaq llapa kawsaqkunamantapas, pampanta puriq llapa huch'uy animalmantapas. 47Qankunaqa reqsinaykichismi qhellikaqtawan mana qhellikaqtawan, mikhuna animalkunatapas mana mikhuna animalkunatapas, nispa.

will be added

X\