Job 35

1Eliuqa nillarqantaqmi: 2–Job, ¿qanpaqri chaninchu: Diospa ñawpaqenpi chaninmi kani, nisqayki? 3Qanqa Diostan rimapakushanki: Huchallikuniña chaypas, ¿iman qanman qokusunki? Mana huchallikuqtiypas, ¿iman ñoqapaq kashan? nispa. 4Kunantaq ñoqa kutichisqayki qanmanwan amigoykikunamanwan. 5Qhawariy hanaq pachata, may hina wichaypiraqmi qanmantaqa phuyukunapas kashan. 6Huchallikunkiña chaypas manan Diostaqa imananpaschu, imaynataña huchallikunki chaypas Diostaqa manan imananpaschu. 7Allintaña ruwanki chaypas manan imatapas qonkichu, ¿ima allintataq Diosri qanmanta chaskin? 8Runallamanmi huchaykiqa chayan, allinta ruwaspaykipas runallatan allinta ruwanki. 9Sinchi sarunchasqa rikukuspan runaqa qaparin, munayniyoqmanta pillapas qechunanpaqmi yanapayta maskhan. 10Ichaqa manan pipas ninchu: ¿Maypitaq Kamaqniyqa kashan? Paymi tutaq sonqonpi takichiqninchisqa, 11paymi uywakunamantapas aswan yachaysapata ruwawanchis, paymi phalaq animalkunamantapas aswan yuyaysapata ruwawanchis, nispa. 12Qaparinkun, Diostaq ichaqa mana uyarinchu uma hoqariq millay runakuna kasqanrayku. 13Cheqaqtapunin Diosqa yanqa rimasqata mana chaskinchu, Tukuy-atiyniyoqqa manan uyariqpas tukunchu. 14Hinaña ninki: Manan Diosta rikunichu nispa chaypas, suyaykullay, qanpa sasachayniykiqa ñawpaqenpiraqmi kashan. 15Qantaq ninki: Diosqa mana phiñakuqmi, mana muchuchikuqmi, manallataq huchamantapas imapas qokunchu, nispa. 16Imatachá qanqa rimashankipas, sinchitañan thawtishanki mana yuyayniyoq hina.

will be added

X\