Jeremías 45

1Josiaspa churin Joacim Judá suyupi tawakaq watapiña kamachikushaqtinmi, Jeremiaspa nisqanta Neriaspa churin Barucpa qelqasqan qhepata Jeremiasqa Baructa nirqan: 2–Israelpa Señor Diosninmi kay hinata qan Barucmanta nin: 3Qanmi nirqanki: ¡Ay, imaraqmi, ikiraqmi Señor Diosqa llakikuykunallatapunin qoykushawan, waqaytapas amikuniñan, manan samaytapas tariniñachu! nispa. 4Señor Diosmi kachamuwan qanta ninaypaq: Perqasqaytan thunikapuni, tarpusqaytataqmi t'irakapuni. Chay hinallatataqmi ruwasaq kay pachantinpipas. 5¿Qanqa allin kaqkunallatachu munanki? ¡Ama mañakuychu chaytaqa! Ñoqan kachamusaq hatun llakikunata llapa runa pataman, chaywanpas qanqa maytaña rinki chaypas kawsashaqllapunin ayqenki, nispa. Ñoqa Señor Diosmi chayta nini.

will be added

X\