Esdras 10

1Esdrasqa Diospa wasin qayllapi qonqoriykukuspa, waqayninwan mañakuspa huchankuta willakushaqtinmi, askha Israel runakuna, warmikuna, qharikuna, wawakunapiwan payman huñuykukurqanku, hinaspan khuyayta waqaykullarqankutaq. 2Hinan Elampa mirayninmanta Jehielpa churin Secaniasqa Esdrasta nirqan: –Diosninchis contran huchallikurqayku mana chaninta ruwaspa, mana judío warmikunawan casarakuspa. Chaywanpas Israelpaqqa suyakuy kashanraqmi. 3Kunanqa Diosninchiswan rimanakusun. Llapan mana judío warmikunata paykunamanta naceq wawakunatapas wikch'upusunchis. Qanpapas, Diospa siminta manchakuqkunaqpas yuyaychawasqaykikuta ruwasaqkun, Diospa kamachikusqan simitapas hunt'asaqkun. 4Sayariy, qanpa ruwanaykin kayqa, ñoqaykutaq yanapasqaykiku. Kallpachakuy, ruwallayña, nispa. 5Chaymi Esdrasqa sayarispa umalli sacerdotekunata, Leví runakunata, llapan Israel runakunatawan jurachirqan nisqankuman hina ruwanankupaq. Hinan paykunaqa jurarqanku. 6Esdrastaq Dios yupaychana wasimanta lloqsispa Eliasibpa churin Johananpa wasinman ripurqan, chaypi tutantin qhepakuspataq mana mikhurqanpaschu, ukyarqanpaschu, kamachi-kaymanta kutimpuqkunaq huchankumanta llakikuspa. 7Chaymantataq Judá suyuntinpi, Jerusalenpipas willachirqan llapan kamachi-kaymanta kutimpuqkuna Jerusalenpi huñukunankupaq. 8Hinallataq willachirqan kinsa p'unchay ukhupi mana chayamuqqa, kamachiqkunaq kurak runakunaq yuyaykusqanman hina llapan hallp'an qechusqa kananta, kutimpuqkunaq huñukuyninmantapas qarqosqa kanantawan. 9Chaymi Judamanta Benjaminmantawan llapan runakuna Jerusalenpi kinsa p'unchay ukhupi huñuykukurqanku, isqonkaq killa iskay chunka p'unchaypin Diospa wasin qaylla plazapi llapan runa tiyarqan, chay huchamanta para chayashasqanmantawan khatatataspa. 10Hinan sacerdote Esdrasqa sayarispa nirqan: –Qankunaqa mana judío warmikunawan casarakuspaykichismi huchallikunkichis, Israelpa huchanman astawan yapaykuspa. 11Kunanqa taytaykichispa Diosnin Señorpa qayllanpi huchaykichista reqsikuychis, munaynintataq ruwaychis. Kay suyu runakunamantapas, mana judío warmikunamantapas t'aqakuychis, nispa. 12Chaymi llapan huñuykusqa runakuna alto kunkawan kutichirqanku: –¡Arí! ¡Nisqaykita hinan ruwasaqku! 13Ichaqa askhan kayku, parapas chayashallantaq, chaymi hawapiqa mana qhepakuykumanchu. Askhan kay hucha ruwaqqa kayku, manan huk p'unchaypipas iskay p'unchaypipas tukusunmanchu. 14Aswanpas umalli runakuna llapaykuq rantiykupi qhepakuchun. Hinaspa llaqtanchiskunapi mana judío warmikunawan casarakuqkuna waqyachisqaman hina hamuchunku kurak runakunawan llaqta juezkunawan kuska. Chay hinapi Diosninchispa phiñakuyninta thasnusunchis, nispa. 15Asaelpa churin Jonatanpiwan Ticvaq churin Jahaziasllapiwanmi ichaqa chayta mana munarqankuchu, paykunatataq q'emiykurqan Mesulampiwan Leví runa Sabetaipiwan. 16Kamachi-kaymanta kutimpuqkunaqa chay yuyaykusqankuman hinan ruwarqanku. Chaymantataq sacerdote Esdrasqa akllarqan wakin ayllu umalli runakunata, paykunatan sutinkumantakama churarqan. Hinan chay umalli runakunaqa tiyaykuspa t'aqwiyta qallarirqanku chunkakaq killa qallariy p'unchaypi. 17Chaymi llapan mana judío warmikunawan casarakuqkunata t'aqwiyta tukurqanku ñawpaqkaq killa qallariy p'unchaypi. 18Sacerdotekunamanta mana judío warmikunawan casarakuqkunan kaykuna karqan: Josadacpa churin Jesuaq mirayninmanta, Jesuaq wawqenkunaq mirayninmanta: Maasías, Eliezer, Jarib, Gedaliaspiwan. 19Paykunan cheqaqta prometekurqanku warminkuta wikch'upunankupaq, hinaspan huk borregota huchallikusqankumanta sacrificiota haywarqanku. 20Imerpa mirayninmanta: Hanani, Zebadiaspiwan. 21Harimpa mirayninmanta: Maasías, Elías, Semías, Jehiel, Uziaspiwan. 22Pasurpa mirayninmanta: Elioenai, Maasías, Ismael, Natanael, Jozabad, Elasapiwan. 23Leví runakunaq mirayninmanta: Jozabad, Simei, Kelita nisqa Kelaía, Petaías, Judá, Eliezerpiwan. 24Takiqkunamanta: Eliasib. Punku qhawaqkunamanta: Salum, Telem, Uripiwan. 25Wakin Israel runakunamanta: Parospa mirayninmanta: Ramía, Jezías, Malquías, Mijamín, Eleazar, Malquías, Benaiapiwan. 26Elampa mirayninmanta: Matanías, Zacarías, Jehiel, Abdi, Jeremot, Eliaspiwan. 27Zatuq mirayninmanta: Elioenai, Eliasib, Matanías, Jeremot, Zabad, Azizapiwan. 28Bebaipa mirayninmanta: Johanán, Hananías, Zabai, Atlaipiwan. 29Baniq mirayninmanta: Mesulam, Maluc, Adaía, Jasub, Seal, Ramotpiwan. 30Pahat-moabpa mirayninmanta: Adna, Quelal, Benaía, Maasías, Matanías, Bezaleel, Binúi, Manasespiwan. 31Harimpa mirayninmanta: Eliezer, Isías, Malquías, Semaías, Simeón, 32Benjamín, Maluc, Semariaspiwan. 33Hasumpa mirayninmanta: Matenai, Matata, Azabad, Elifelet, Jeremai, Manasés, Simeipiwan. 34Baniq mirayninmanta: Madai, Amram, Uel, 35Benaía, Bedías, Queluhi, 36Vanías, Meremot, Eliasib, 37Matanías, Matenai, Jaasaipiwan. 38Binuiq mirayninmanta: Simei, 39Selemías, Natán, Adaía, 40Macnadebai, Sasai, Sarai, 41Azareel, Selemías, Semarías, 42Salum, Amarías, Josepiwan. 43Neboq mirayninmanta: Jeiel, Matatías, Zabad, Zebina, Jadau, Joel, Benaiapiwan. 44Llapan chaykunan mana judío warmikunawan casarakusqaku, chaymi warminkuta wawankutapas wikch'upurqanku.

will be added

X\