Ezequiel 48

1Israel suyuq wichay lado qorpanmi lamar-qochamanta qallarispa, Hetlón llaqtanta Hamat Q'asanta pasaspa Hazar-enán llaqtakama chayanqa, Damasco llaqtaq hallp'anwan Hamat llaqtaq hallp'anwanqa aswan wichayniqpiraqmi kashan. Dan aylluq hallp'anpa qorpanmi chay wichay qorpamanta kanqa. Inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 2Aser aylluq hallp'anmi Dan aylluq hallp'anpa uranpi kanqa, inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 3Neftalí aylluq hallp'anmi Aser aylluq hallp'anpa uranpi kanqa. Inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 4Manasés aylluq hallp'anmi Neftalí aylluq hallp'anpa uranpi kanqa. Inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 5Neftalí aylluq hallp'anmi Manasés aylluq hallp'anpa uranpi kanqa. Inti haykuy qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 6Rubén aylluq hallp'anmi Efraín aylluq hallp'anpa uranpi kanqa, inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 7Judá aylluq hallp'anmi Efraín aylluq hallp'anpa uranpi kanqa, inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 8Judá aylluq hallp'anpa uranpin Señor Diospaq t'aqasqaykichis hallp'aqa kanqa, inti lloqsimuy ladomanta inti haykuy ladokama chunka iskayniyoq kuskannin kilómetro, wichay ladomanta uray ladokamataq chunka iskayniyoq kuskannin kilometrollataq. Chay chawpipitaqmi Dios yupaychana wasi kanqa. 9Chay hallp'a chawpipin Señor Diosman qosqaykichis hallp'aqa kanqa, wask'anman chunka iskayniyoq kuskannin kilómetro hina, anchonmantaq chunka kilómetro hina. 10Chay hallp'apin sacerdotekunaq ch'uya hallp'an kanqa, wask'anman chunka iskayniyoq kuskannin kilómetro, anchonmantaq phisqa kilómetro. Chaypa chawpinpitaqmi Dios yupaychana wasi kanqa. 11Chay hallp'ataqmi kanqa Señor Diospaq t'aqasqa Sadocpa miraynin sacerdotekunapaq. Israel runakunaña Leví ayllu wakin runakunapiwan ñoqa Señor Diosta wasanchawaspa mana allinta ruwashaqtinkupas paykunaqa iman kaqllapunin servishawarqanku. 12Chayraykun ch'uya hallp'amanta huk regalota hina hallp'ata chaskinqaku, ancha ch'uya hallp'ata. Qorpantaqmi kanqa Leví runakunaq qorpanwan. 13Sacerdotekunaq hallp'anwan kuskan Leví ayllu runakunaq hallp'anpas kanqa, wask'anmanmi chunka iskayniyoq kuskannin kilómetro kanqa, anchonmantaq phisqa kilómetro. 14Chaymi kanqa suyuntinmanta aswan allin hallp'a, manataqmi pipas atinqachu vendeyta, qonakuyta, hukman qoytapas, Señor Diospaq t'aqasqa kasqanrayku. 15Señor Diospaq t'aqasqaykichis hallp'amanta puchuqninpa wask'anmi chunka iskayniyoq kuskannin kilómetro kanqa, anchontaq iskay kilómetro phasmiyoq kanqa. Chay cheqasqa manan Diospaqchu, aswanpas runakunapaqmi. Chaypin tiyanqaku, chakratapas llank'anqaku, chawpinpitaqmi llaqtaqa kanqa. 16Chay llaqtaq sapanka ladonqa iskay waranqa iskay pachak phisqa chunka hina metroyoqmi kanqa. 17Llaqta muyuriqpitaqmi q'achukuna kanqa, chaytaqmi yaqa pachak iskay chunka phisqayoq metro hina muyuriqninta muyurinqa. 18Ch'uya hallp'aq uran llaqtaq sapanka ladonpin llank'anapaq hallp'a kanqa. Llaqtaq inti haykuy ladonpi hallp'an wask'anman phisqa kilómetro kanqa, kaqllataq inti lloqsimuy ladonpas. Chay hallp'apiqa tarpunqakun, rurusqantaq llaqtapi llank'aqkunapaq kanqa. 19Llaqtapi llank'aq runaqa may ayllumantaña kaspapas chay hallp'apiqa tarpukullanqan. 20Chhaynaqa, Señor Diospaq t'aqasqaykichis llapan hallp'aqqa tawantin ladonpas sayaypuran kanqa, chunka iskayniyoq kuskannin kilómetro hina. 21Señor Diospaq t'aqasqaykichis hallp'apin kanqa Dios yupaychana wasi, Leví ayllu runakunaq hallp'an, sacerdotekunaq hallp'an, llaqtapas. Chay hallp'akunaq sapanka ladonpitaq kamachikuqpa hallp'ankuna kanqa, inti haykuy ladonmi lamar-qochakama, inti lloqsimuy ladontaq suyuq qorpankama. Wichay lado qorpankutaq Judá aylluq qorpanwan kanqa, uray lado qorpanñataq Benjamín aylluq qorpanwan kanqa. 23Wakin ayllukunaq hallp'anmi kanqa: Benjamín aylluq hallp'anmi Señor Diospaq t'aqasqaykichis hallp'aq uranpi kanqa, inti haykuy qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 24Simeón aylluq hallp'anmi Benjamín aylluq hallp'anpa uranpi kanqa, inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 25Isacar aylluq hallp'anmi Simeón aylluq hallp'anpa uranpi kanqa, inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 26Zabulón aylluq hallp'anmi Isacar aylluq hallp'anpa uranpi kanqa, inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 27Gad aylluq hallp'anmi Zabulón aylluq hallp'anpa uranpi kanqa, inti haykuy lado qorpantaq lamar-qocha kanqa, inti lloqsimuy lado qorpantaq suyuq qorpanmanta kanqa. 28Gad aylluq hallp'anpa uray qorpanmi suyuq qorpan kanqa. Tamar llaqtamanta rispa pasanqa Meriba-Cades pukyu-pukyunta Egipto qorpanta lamar-qochaman chayanankama. 29Chay hinatan suyuta rakinkichis Israel ayllukunaman, chaymi ayllukunaq hallp'anqa kanqa. Ñoqa Apu Señor Diosmi chayta nini, nispa. 30Kay hinan llaqtaq punkunkuna kanqa: Llaqtaq wichay ladontaqmi iskay waranqa iskay pachak phisqa chunka metro. 31Llaqtaq sapanka punkukunataqmi Israelpi huk aylluq sutinwan sutichasqa kanqa. Wichay lado kinsa punkuq sutinmi kanqa: hukkaqpa Rubén, hukkaqpataq Judá, hukkaqpañataq Leví. 32Inti lloqsimuy lado perqataq kanqa iskay waranqa iskay pachak phisqa chunka metro, chay kinsa punkuq sutintaq kanqa: hukkaqpa José, hukkaqpataq Benjamín, hukkaqpañataq Dan. 33Uray lado perqataq kanqa iskay waranqa iskay pachak phisqa chunka metro, chay kinsa punkuq sutintaq kanqa: hukkaqpa Simeón, hukkaqpataq Isacar, hukkaqpañataq Zabulón. 34Inti haykuy lado perqantaq kanqa iskay waranqa iskay pachak phisqa chunka metro, chay kinsa punkuq sutintaq kanqa: hukkaqpa Gad, hukkaqpataq Aser, hukkaqpañataq Neftalí. 35Perqaq llapan muyuriqnintaq kanqa isqon waranqa metro. Chaymantapachan llaqtata sutichanqa: “Kaypin Señor Diosqa kashan”, niq sutiwan, nispa.

will be added

X\