Ezequiel 15

1Señor Diosmi niwarqan: 2Qan, runaq churin, uyariway. ¿Imaynapitaq uvaspa k'aspinqa aswan allin wakin mallkikunaq k'allmanmantaqa? 3¿Uvaspa k'aspinmantaqa ima ruwaypas atikunmanchu? Icha, ¿warkuna takarpullapas ruwakunmanchu? 4Chayqa ninawan ruphachinallapaqmi allin. Canto-puranta nina rupharqoqtinqa chawpinqa k'illimsallañan, ¿imapaqtaq allin kanman? 5Manaraq kanasqa kashaspapas manan imapaqpas allinchu karqan, ¿chaychu kunan kanasqa kaspa valenman? Manan imapaqpas valenñachu. 6Chayraykun ñoqa Apu Señor Diosqa nini: Chay uvaspa k'aspin hinan ninaman kanasqa kanqa rawrananpaq, chay hinallataqmi kanasqa kanqa Jerusalenpi tiyaqkunapas. 7Ñoqan paykunaq awqan kasaq, huk ninamantachá ayqenqakupas hukkaq ninaqa ruphanqapunin. Ñoqa awqaykichis kapuqtiymi qankuna reqsiwankichis ñoqaqa Señor Dios kasqayta. 8Ch'usaq pampamanmi suyuntinta tukuchisaq ñoqata wasanchawasqankumanta. Ñoqa Apu Señor Diosmi chayta nini, nispa.

will be added

X\