Ester 10

1Rey Asueroqa suyuntinpin mit'ani llank'ayta kamachikurqan llaqtakunapipas lamar-qocha patakunapipas tiyaq llapan runakunapaq. 2Reypa tukuy atiywan kamachikuywan ruwasqankuna, hinallataq Mardoqueota atiyniyoq kamachikuqpaq churasqan willakuykunapas, Media suyuq Persia suyuq willakuynin qelqapin qelqasqa kashan. 3Judío runa Mardoqueoqa atiyniyoqmi karqan rey Asuero kamachikushaqtin. Judío runakunapaqtaq Mardoqueoqa ancha allin mentasqa karqan, llaqta-masinkunaq munakusqan. Payqa llaqtanpa allin kananpaqmi llank'arqan, ayllunpa kusisqa kawsanantataq munarqan.

will be added

X\