Eclesiastés 11

1Chakraykiq rurusqanta wak suyukunaman apachispa vendey, unaymantaqa ganasqaykita hoqarikapullankitaqmi. 2Hayk'an atisqaykiman vendenaykikunata rakirqariy, manan yachankichu suyuman ima mana allinchus chayamunantaqa. 3Phuyuchus unu hunt'allaña kashan chayqa, pampamanmi para hich'arikamun. Mallkichus uraymanpas wichaymanpas wikch'ukun chayqa, maymanchus wikch'ukun chayneqpin qhepakapun. 4Wayrata qhawaqqa manan tarpunchu, phuyuta qhawaqpas manan cosechanchu. 5Imaynan qanqa mana yachankichu maynintachus wayraq purisqantapas, imaynatachus wiksallisqa warmiq wiksanpi wawaq wiñasqantapas, chhaynatan Diospa ima ruwasqantapas mana yachankichu, paymi tukuy imaymanata kamaqqa. 6Tutamanta muhuykita tarpuy, ch'isinkamapas llank'ashallaypuni, manan yachankichu mayqenchus aswan allin kananta, ñawpaq tarpusqachus icha qhepakaqchus, icha iskayninchus allinkama kananta. 7Sumaqpunin k'anchayqa, allintaqmi ñawipaqpas intita rikuyninqa. 8Ichaqa huk runa unay wataña kawsanqa chaypas, tukuy chaykunapiña q'ochukunqa chaypas, yuyarichun tutayaq p'unchaykunaqa aswan askha kananta. Tukuy imapas qhepaman kanan kaqqa yanqan. 9Wayna sipas, kusikuy, warmallaraq kashaspayki, wayna kashaspayki q'ochukuy, sonqoykiq munasqankunapi ñawiykiq qhawasqankunapi puriy. Ichaqa yachay, tukuy chaykunamanta Dios cuentata mañanasuykita. 10Sonqoykimanta llakipakuykunata karunchay, sasachakuykunatapas qanmanta karunchay, wayna-kaypas warma-kaypas yanqa kasqanrayku.

will be added

X\