Deuteronomio 13

1Profetapas otaq mosqoypi rikuqpas qankuna ukhupi señalmantapas milagromantapas willasunkichis chayqa, 2hinataq chay willasqasuykichis hunt'akunqa chayqa, nisunkimantaq: Haku mana reqsisqanchis dioskunata yupaychamusunchis, nispa chayqa, 3aman kasunkichu chay profetaq rimasqantapas mosqoypi rikusqantapas. Diosniykichis Señor Diosmi chaywanqa probasunkichis tukuy sonqochus tukuy almachus payta munakunkichis chayta yachananpaq. 4Diosniykichis Señor Diosllatapunin servinkichis, manchakunkichis, kamachikuyninkunatapas hunt'ankichis, paytan kasunkichispas yupaychankichispas, payman k'askasqataq kawsankichispas. 5Chay profetatapas mosqoypi rikuqtapas wañuchinkichismi, Egiptopi kamachi-kaymanta horqomuqniykichis Diosniykichis Señor Dios contra sayarichiyta munasqasuykichismanta, hinallataq Señor Diosniykichismanta t'aqayta munasqasuykichismantawan. Ahinapin chay mana allinta qankuna ukhumanta wikch'unkichis. 6Kay suyuntinpi runakunaqa karupi tiyaqkunapas qayllapi tiyaqkunapas wak dioskunatan yupaychanku, chay dioskunataqa manan ñawpa taytaykichispas qankunapas yupaycharqankichischu. Ichaqa ancha munasqa amigoykipas, wawqeykipas, churiykipas, ususiykipas, munasqa warmiykipas pakallapi tanqasunki: wak dioskunata yupaychasun, nispa chayqa, 8aman kasunkichu, amataq uyarinkipaschu, amataq payta khuyapayankichu, amataq hinallata qhawankichu, amallataq payta pakaykunkichu, 9aswanpas wañuchinkin. Qanmi ñawpaqta rumiwan ch'aqenki, chaymantataq llaqtallantin ch'aqenqa. 10Wañunankaman ch'aqenki, Egiptopi kamachi-kaymanta horqomuqniyki Diosniyki Señor Diosmanta t'aqayta munasqasuykirayku. 11Ahinapin llapa Israel runakuna chayta uyarispanku manchakunqaku, manataq hayk'aqpas chay millay mana chaninta ruwanqakuñachu. 12Diosniykichis Señor Diospa tiyanaykichispaq qosqasuykichis llaqtakunapi kashaspaykichis, rimayta uyariwaqchis: 13Millay runakunan rikhurimuspa, chay llaqta runakunata waqllichishan haku mana reqsisqanchis wak dioskunata yupaychamusun nispa, niqta chayqa, 14allintapunin qankunaqa tapupakunkichis. Cheqaqtapunitaq chay rimay uyarisqaykichisman hina llaqtaykichiskunapi chay millay mana chanin ruwasqa kanman chayqa, 15wañuchinkichispunin chay llaqtapi llapan tiyaqkunata, hinallataq llapan uywakunatapas, llapantapuni hayk'an chaypi kaqta wañuchinkichis. 16Qechusqaykichis tukuy kawsayninkutataq plaza pampaman montoykuspaykichis, llapa llaqtantinta ninawan kanaykunkichis Diosniykichis Señor Diospaq ruphachina ofrendata hina. Chaymi chay llaqta wiñaypaq purunyachisqa kapunqa, manataq hayk'aqpas wakmanta sayarichisqachu kanqa. 17Chay ñakasqa llaqtamantaqa aman imatapas qankunapaq waqaychakunkichischu, Señor Diospa phiñakuynin thaninanpaq. Hinan payqa allinta qhawarisunkichispas khuyapayasunkichispas, hinallataq askhayachisunkichispas ñawpa taytaykichisman prometesqanman hina, 18ichaqa Diosniykichis Señor Diosllatan kasunaykichis, kunan kamachisqay Señor Diospa tukuy kamachikuyninkunatataq hunt'anaykichis, paypa munayninta ruwaspaykichis.

will be added

X\