1 Crónicas 9

1Llapan Israel runakunatan mirayninkuman hina yupasqata qelqarqanku Israel Reykunaq Qelqanpi. Judá suyu runakunan huchanku hawa Babilonia suyuman apasqa karqanku. 2Ñawpaqta kutimpuspa llaqta wasinkupi tiyaqkunan karqanku wakin Israel runakuna, sacerdotekuna, Leví runakuna, Dios yupaychana wasipi llank'aqkunapiwan. 3Jerusalenpin tiyarqanku Judá ayllu runakuna, Benjamín ayllu runakuna, Efraín ayllu runakuna, Manasés ayllu runakunapiwan. 4Judapa churin Farespa mirayninmanta kutimpuqmi karqan: Amiudpa churin Utai (ñawpa taytankunataq karqan Omri, Imri, Banipiwan). 5Judapa churin Siloq mirayninmanta kutimpuqkunan karqan phiwi churin Asaías churinkunantin. 6Judapa churin Zeraq mirayninmanta kutimpuqmi karqan Jeuel. Llapan Judá qharikunan soqta pachak isqon chunka karqanku. 7Benjaminpa mirayninmanta kutimpuqkunan karqan: Mesulampa churin Salú (ñawpa taytankunataq karqan Hodaviaswan Asenuapiwan), 8Jerohampa churin Ibneías, Micriq churin Uziq churin Ela, Sefatiaspa churin Mesulampiwan. Mesulampa ñawpa taytankunan karqan Reuelwan Ibniaspiwan. 9Llapan Benjamín ayllu qharikunaq miraynin qelqaman hinan isqon pachak phisqa chunka soqtayoq karqanku. Paykunaqa ayllunkupi umallikunan karqanku. 10Sacerdotekunamanta kutimpuqkunan karqan: Jedaías, Joiarib, Jaquín, 11Hilciaspa churin Azarías (Azariasmi Diospa wasinpi umalli karqan, ñawpa taytankunataq karqan Mesulam, Sadoc, Meraiot, Ahitobpiwan), 12Jerohampa churin Adaía (ñawpa taytankunataq karqan Pasurwan Malquiaspiwan), Adielpa churin Masaipiwan, paypa ñawpa taytankunataq karqan: Jazera, Mesulam, Mesilemit, Imerpiwan. 13Ayllunkupi umalli sacerdotekunan waranqa qanchis pachak soqta chunka karqanku, Diospa wasinpi llank'aykunata allin ruway atiq qharikuna. 14Leví runakunamanta kutimpuqkunan karqan: Merariq mirayninmanta Hasubpa churin Semaías (paypa ñawpa taytankunan karqan Azricamwan Hasabiaspiwan), 15Bacbacar, Heres, Galal, Micaiaq churin Matanías (paypa ñawpa taytankunan karqan Zicriwan Asafpiwan), 16Semaiaspa churin Obadías (paypa ñawpa taytankunan karqan Galalwan Jedutunpiwan), Elcanaq churin, Asaq churin Berequiaspiwan. Paymi tiyarqan Netofa runakunaq llaqtachankunapi. 17Punku qhawaqkunamanta kutimpuqkunan karqan: Salum, Acub, Talmón, Ahimán, wawqenkunapiwan. Salumtaq umallinku karqan. 18Paymi yupaychana wasiq inti lloqsimuy lado reypa punkunta qhawashallarqan. Paykunan karqan Leví runakunaq tiyasqan cheqas punkukuna qhawaqkuna. 19Ebiasafpa churin Corepa churin Salum, ñawpa taytan Corepa ayllunmanta wawqenkunapiwan yupaychana wasi punkukunata qhawarqanku, imaynan ñawpa taytankupas Señor Dioswan Tupana Karpaman haykunata qhawasqaku hinata. 20Ñawpa tiempopin Eleazarpa churin Fineesqa paykunaq umallinku kasqa. Señor Diostaq paykunawan karqan. 21Meselemiaspa churin Zacariasmi yupaychana wasipi punku qhawaq karqan. 22Llapanpitaq punku qhawaqpaq akllasqa qharikuna karqanku iskay pachak chunka iskayniyoq, mirayninkuman hinataq llaqtankupi qelqasqa karqanku. Paykunatan Davidwan profeta Samuelpiwan tukuy tiempo llank'anankupaq churasqaku. 23Ahinapin paykunamanpas churinkunamanpas Señor Dios yupaychana wasi punkukuna qhawana tuparqan. 24Punku qhawaqkunaqa tawantin ladopin karqanku: inti lloqsimuypi, inti haykuypi, wichaypi, uraypi ima. 25Tiyasqanku llaqtachakunapi kashaq wawqenkunataq qanchis p'unchay llank'aysiq rirqanku tupaqninkuman hina. 26Punku qhawaq Leví runakunamantan tawa umallikuna tukuy tiempo llank'arqanku, waqaycharqankutaq Diospa wasinpi kashaq cuartokunata, hinallataq qolqe waqaychana cuartokunatapas. 27Paykunan Diospa wasinpa muyuriqninpi illarirqanku qhawananku kasqanrayku, sapa paqartaqmi punkuta kicharqanku. 28Wakinninkuqa Dios yupaychana serviciokuna waqaychaqmi karqanku, chaymi horqorqanku yupasqata, churapurqankupas yupasqallatataq. 29Hukkunataq waqaycharqan kawsaykunata, tukuy ch'uya serviciokunata, hak'uta, vinota, aceiteta, inciensota, q'apaq hawinakunatawan. 30Wakin sacerdotekunataq q'apaq hawinata ruwarqanku. 31Leví runakunamanta Corepa ayllun Salumpa phiwi churin Matatiasmi Diospa ñawpaqenpi churana t'antakunata ruwanan karqan. 32Cohatpa ayllun wakin wawqenkunataq sapa samana p'unchaypaq t'antata ruwarqanku, chaytan mesa pataman churarqanku. 33Kallarqantaqmi takiqkunapas. Leví ayllukunaq umallinkunan tiyarqanku Dios yupaychana wasiq cuartonkunapi, paykunaqa tuta-p'unchaymi tukuy llank'aykunata qhawananku karqan, chayraykun wak llank'aykunamanta horqosqa karqanku. 34Chaykunan karqan miraynin qelqaman hina Leví ayllukunaq umallinkuna, Jerusalenpitaq tiyarqanku. 35Gabaón llaqta sayarichiq Jehielmi Gabaonpi tiyarqan, warmintaq Maaca karqan. 36Phiwi churinmi karqan: Abdón, qatiqninkunataq Zur, Cis, Baal, Ner, Nadab, 37Gedor, Ahío, Zacarías, Miclotpiwan, 38Miclot-taq churiyarqan Simeamta. Paykunapas Jerusalenpin tiyallarqankutaq wawqenkunawan kuska. 39Nermi churiyarqan Cista, Cistaq churiyarqan Saulta, Saultaq churiyarqan Jonatanta, Malquishuata, Abinadabta, Es-baaltawan. 40Jonatanmi churiyarqan Merib-baalta, Merib-baaltaq churiyarqan Micaiata. 41Micaiaq churinkunataq karqan: Pitón, Melec, Tarea, Ahazpiwan. 42Ahazmi churiyarqan Jarata, Jarataq churiyarqan Alemet-ta, Azmavelta, Zimritawan. Zimritaq churiyarqan Mosata. 43Mosataq churiyarqan Binata, Binataq churiyarqan Refaiata, Refaiataq churiyarqan Elasata, Elasataq churiyarqan Azelta. 44Azelpa churinkunan soqta karqan: Azricam, Bocru, Ismael, Searías, Obadías, Hananpiwan.

will be added

X\