1 Crónicas 7

1Isacarpa churinkunan tawa karqan: Tola, Fúa, Jasub, Simronpiwan. 2Tolaq churinkunan karqan: Uzi, Refaías, Jeriel, Jahmai, Jibsam, Semuelpiwan. Paykunaqa Tolaq ayllunkunaq umallinkunan karqan, allin qharikuna. Davidpa tiemponpin Tolaq miraynin qelqapi qelqasqa karqanku iskay chunka iskayniyoq waranqa soqta pachak allin maqanakuq qharikuna. 3Uziq churinmi karqan Israhías. Israhiaspa churinkunataq karqan: Micael, Obadías, Joel, Isiaspiwan, phisqantin umallikuna. 4Paykunan askha warmikunayoq wawakunayoq karqanku, chaymi mirayninkumanta kinsa chunka soqtayoq waranqa maqanakuypaq qharikuna karqan. 5Isacar aylluntinpin miraynin qelqapi qelqasqaman hina pusaq chunka qanchisniyoq waranqa, maqanakuypaq qharikuna karqan. 6Benjaminpa churinkunan kinsa karqan: Bela, Bequer, Jediaelpiwan. 7Belaq churinkunataq karqan: Ezbón, Uzi, Uziel, Jeremot, Iripiwan, phisqantin allin qhari umallikuna. Paykunan miraynin qelqapi qelqasqaman hina iskay chunka iskayniyoq waranqa kinsa chunka tawayoq maqanakuypaq qharikuna karqan. 8Bequerpa churinkunan karqan: Zemira, Joás, Eliezer, Elioenai, Omri, Jerimot, Abías, Anatot, Alametpiwan. 9Paykunaq miraynin qelqapi qelqasqan karqanku umallikunapiwan iskay chunka waranqa iskay pachak maqanakuypaq qharikunapiwan. 10Jediaelpa churinmi karqan: Bilhán, Bilhanpa churinkunataq karqan Jeús, Benjamín, Aod, Quenaana, Zetán, Tarsis, Ahisaharpiwan. 11Paykunan karqan allin qhari ayllu umallikuna. Jediaelpa mirayninmantan karqan chunka qanchisniyoq waranqa iskay pachak maqanakuypaq qharikuna. 12Hirpa churinkunan karqan: Shupim, Hupimpiwan. Aherpa churintaq karqan Husim. 13Neftalipa churinkunan karqan: Jahzeel, Guni, Jezer, Salumpiwan. Paykunan karqan Bilhaq mirayninkuna. 14Manasesmi churiyarqan tiyaqmasin Siria warmipi Asrielta Galaadpa taytan Maquirtawan. 15Maquirpa iskaykaq churinmi karqan Zelofehad, panantaq karqan Maaca. Maquirmi Hupimpaq Shupimpaqwan warmita maskhapurqan. Zelofehadpaqa ususinkunallan karqan. 16Maquirpa warmin Maacan wachakurqan qhari wawata, suticharqankutaq Peresta, wawqenpa sutintaq Seres karqan. Serespa churinkunan karqan: Ulam, Requempiwan. 17Ulampa churintaq karqan Bedán. Chaykunan karqan Galaadpa churinkuna, Galaadqa Manasespa churin Maquirpa churinmi karqan. 18Maquirpa panan Hamolequet-taq wachakurqan Isodta, Abiezerta, Mahalaltawan. 19Semidaq churinkunataq karqan: Ahián, Shehem, Likhi, Aniampiwan. 20Efrainmi churiyarqan Sutelata, Sutelataq churiyarqan Beredta, Beredtaq churiyarqan Tahat-ta, Tahat-taq churiyarqan Eladata, Eladataq churiyarqan Tahat-ta, 21Tahat-taq churiyarqan Zabadta, Zabadtaq churiyarqan Sutelata. Efrainpa wak iskay churinkunatataq Ezerta Eladtawan Gat llaqtapi naceq runakuna wañuchirqanku, uywankuta qechuq risqanku hawa. 22Chaymi taytanku Efrainqa askha p'unchaykuna sinchita waqarqan, wawqenkunataq sonqochaq rirqanku. 23Chay qhepatataq Efrainqa warminwan puñurqan, hinan payqa wiksallikuspa wachakurqan huk qhari wawata. Chaytan suticharqan Beriata, wasinpi sinchi llakisqa kasqanrayku. 24Ususintaq karqan Seera, paymi sayarichirqan Uray Bet-horonta Hanaq Bet-horontapas, hinallataq Uzen-seeratapas. 25Berian churiyarqan Refata, Refataq churiyarqan Resefta, Reseftaq churiyarqan Telahta, Telahtaq churiyarqan Tahanta, 26Tahantaq churiyarqan Laadanta, Laadantaq churiyarqan Amiudta, Amiudtaq churiyarqan Elisamata, 27Elisamataq churiyarqan Nunta, Nuntaq churiyarqan Josueta. 28Paykunaqmi llaqtankupas hallp'ankupas karqan Betel llaqta, muyuriq llaqtachankunapiwan, inti lloqsimuy ladopi Naarán, inti haykuy ladopitaq Gezer llaqta, muyuriq llaqtachankunapiwan, hinallataq Shehem llaqta, muyuriq llaqtachankunapiwan, Ayah llaqta, muyuriq llaqtachankunakama. 29Manasespa mirayninkunataq hap'ikapurqanku Bet-seanta llaqtachakunantinta, Taanacta llaqtachakunantinta, Meguidota llaqtachakunantinta, Dortapas llaqtachakunantinta. Chay llaqtakunapin Israelpa churin Josepa mirayninkuna tiyarqanku. 30Aserpa churinkunan karqan: Imna, Isúa, Isúi, Bería, ususin Serapiwan. 31Beriaq churinkunan karqan: Heber, Malquielpiwan. Malquielqa Birzavit llaqta sayarichiqmi karqan. 32Heberpa churinkunan karqan: Jaflet, Somer, Hotam, ususin Shuapiwan. 33Jafletpa churinkunan kinsa karqan: Pasac, Bimhal, Asvatpiwan. 34Wawqen Semerpa churinkunan karqan: Rohga, Jehuba, Arampiwan. 35Wawqen Hotampa churinkunan karqan: Zofa, Imna, Seles, Amalpiwan. 36Zofaq churinkunan karqan: Súa, Harnefer, Sual, Beri, Imra, 37Beser, Hod, Sama, Silsa, Itrán, Beerapiwan. 38Jeterpa churinkunan karqan: Jefone, Pispa, Arapiwan. 39Ulaq churinkunan karqan: Ara, Haniel, Reziapiwan. 40Llapan chaykunan Aserpa miraynin karqan, ayllunkuq umallinkuna, akllasqa runakuna, allin maqanakuq qharikuna, qollanakuna ima. Miraynin qelqapi qelqasqaman hina iskay chunka soqtayoq waranqa maqanakuypaq qharikuna karqan.

will be added

X\