1 Levipa churinkunan karqan: Gersón, Cohat, Meraripiwan. 2 Cohatpa churinkunan karqan: Amram, Izhar, Hebrón, Uzielpiwan. 3 Amrampa wawankunan karqan: Aarón, Moisés, Mariapiwan. Aaronpa churinkunan karqan: Nadab, Abiú, Eleazar, Itamarpiwan. 4 Eleazarmi churiyarqan Fineesta, Fineestaq churiyarqan Abishuata, 5 Abishuataq churiyarqan Buquita, Buquitaq churiyarqan Uzita, 6 Uzitaq churiyarqan Zeraiasta, Zeraiastaq churiyarqan Meraiot-ta, 7 Meraiot-taq churiyarqan Amariasta, Amariastaq churiyarqan Ahitobta, 8 Ahitobtaq churiyarqan Sadocta, Sadoctaq churiyarqan Ahimaasta. 9 Ahimaastaq churiyarqan Azariasta, Azariastaq churiyarqan Johananta, 10 Johanantaq churiyarqan Azariasta. Azariasqa sacerdoten karqan Jerusalenpi Salomonpa sayarichisqan yupaychana wasipi. 11 Azariasmi churiyarqan Amariasta, Amariastaq churiyarqan Ahitobta, 12 Ahitobtaq churiyarqan Sadocta, Sadoctaq churiyarqan Salumta, 13 Salumtaq churiyarqan Hilciasta, Hilciastaq churiyarqan Azariasta, 14 Azariastaq churiyarqan Seraiasta, Seraiastaq churiyarqan Josadacta. 15 Josadactaqa kamachipaqmi apapurqanku Nabucodonosorwan Judá runakunata Jerusalén runakunatawan Señor Dios apachishaqtin. 16 Levipa churinkunan karqan: Gersón, Cohat, Meraripiwan. 17 Gersonpa churinkunan karqan: Libniwan Simeipiwan. 18 Cohatpa churinkunan karqan: Amram, Izhar, Hebrón, Uzielpiwan. 19 Merariq churinkunan karqan: Mahliwan Musipiwan. Kaykunan Levipa mirayninkuna karqan ñawpa taytankuman hina. 20 Gersonpa mirayninkuna: Gersonmi churiyarqan Libnita, Libnitaq churiyarqan Jahat-ta, Jahat-taq churiyarqan Zimata, 21 Zimataq churiyarqan Joata, Joataq churiyarqan Iddota, Iddotaq churiyarqan Zerata, Zerataq churiyarqan Jeatraita. 22 Cohatpa mirayninkuna: Cohatmi churiyarqan Aminadabta, Aminadabtaq churiyarqan Coreta, Coretaq churiyarqan Asirta, 23 Asirtaq churiyarqan Elcanata, Elcanataq churiyarqan Ebiasafta, Ebiasaftaq churiyarqan Asirta, 24 Asirtaq churiyarqan Tahat-ta, Tahat-taq churiyarqan Urielta, Urieltaq churiyarqan Uziasta, Uziastaq churiyarqan Saulta. 25 Elcanan churiyarqan Amasaita Ahimot-tawan. 26 Ahimotmi churiyarqan Elcanata, Elcanataq churiyarqan Zofaita, Zofaitaq churiyarqan Nahat-ta. 27 Nahat-taq churiyarqan Eliabta, Eliabtaq churiyarqan Jerohamta, Jerohamtaq churiyarqan Elcanata, Elcanataq churiyarqan Samuelta. 28 Samuelpa churinkunan karqan: phiwi churin Joel, chayman qatiqtaq Abías. 29 Merariq mirayninkuna: Merarin churiyarqan Mahlita, Mahlitaq churiyarqan Libnita, Libnitaq churiyarqan Simeita, Simeitaq churiyarqan Uzata, Uzataq churiyarqan Simeata, 30 Simeataq churiyarqan Haguiata, Haguiataq churiyarqan Asiasta. 31 Rimanakuy arca Señor Dioswan Tupana Karpapi churasqaña kaqtinmi, Davidqa takiqkunaq umallinkunata churarqan takiywan chaypi servinankupaq. 32 Paykunan Señor Dioswan Tupana Karpaq ñawpaqenpi takiywan servirqanku tupaqninkuman hina, Salomón Jerusalenpi Señor Diospaq wasita sayarichinankama. 33 Kaykunan takiqkuna karqan churintinkama. Cohatpa mirayninkuna: Joelpa churin takiq Hemanmi ñawpaqkaq t'aqa takiqkunaq umallin karqan. Paypa ñawpa taytankunan karqan: Samuel, 34 Elcana, Jeroham, Eliel, Toa, 35 Zuf, Elcana, Mahat, Amasai, 36 Elcana, Joel, Azarías, Sofonías, 37 Tahat, Asir, Ebiasaf, Coré, 38 Izhar, Cohat, Leví, Israelpiwan. 39 Hemanpa ayllumasin Berequiaspa churin Asafmi paña ladonpi kaq t'aqa takiqkunaq umallin karqan. Paypa ñawpa taytankunan karqan: Simea, 40 Micael, Baasías, Malquías, 41 Etni, Zera, Adaía, 42 Etán, Zima, Simei, 43 Jahat, Gersón, Levipiwan. 44 Paykunaq ayllumasin Merariq mirayninmanta Quisiq churin Etantaq lloq'e ladonpi kaq t'aqa takiqkunaq umallin karqan. Paypa ñawpa taytankunan karqan: Abdi, Maluc, 45 Hasabías, Amasías, Hilcías, 46 Amsi, Bani, Semer, 47 Mahli, Musi, Merari, Levipiwan. 48 Wawqenku Leví runakunataq Señor Dioswan Tupana Karpapi wakin ruwaykunata llank'aqpaq churasqa karqanku. 49 Aarontaq ichaqa churinkunapiwan ruphachina sacrificio altarpi sacrificiota haywarqanku, incienso q'apachina altarpipas inciensota q'apachirqanku. Ch'uyay-ch'uya Cheqaspi tukuy ruwaykunata ruwarqanku, hinallataq hucha pampachay sacrificiotapas Israel runakunamanta haywarqanku. Chaykunatan ruwarqanku Diospa kamachin Moisespa kamachikusqanman hina. 50 Aaronmi churiyarqan Eleazarta, Eleazartaq churiyarqan Fineesta, Fineestaq churiyarqan Abishuata, 51 Abishuataq churiyarqan Buquita, Buquitaq churiyarqan Uzita, Uzitaq churiyarqan Zeraiasta, 52 Zeraiastaq churiyarqan Meraiot-ta, Meraiot-taq churiyarqan Amariasta, Amariastaq churiyarqan Ahitobta, 53 Ahitobtaq churiyarqan Sadocta, Sadoctaq churiyarqan Ahimaasta. 54 Suyuta t'aqaspankuqa ñawpaqta sortearqanku Cohatpa ayllun Aaronpa mirayninman qonankupaqmi. Kaykunan chay chaskisqanku hallp'akuna: 55 Paykunan chaskirqanku Judá hap'iypi Hebrón llaqtata muyuriqninpi pastontinta. 56 Hebronpa llaqtachankunata chakrankunatawanmi ichaqa Jefoneq churin Calebman qorqanku. 57 Aaronpa mirayninmanmi qorqanku pakakuna llaqta Hebronta, Libnata, Jatirta, Estemoata, 58 Hilenta, Deberta, 59 Asanta, Bet-semestawan. Sapanka chay llaqtakunaqa pastontinkaman karqan. 60 Benjamín ayllumantataq chaskirqanku Gebata, Alemet-ta, Anatot-tawan, chay llaqtakunapas pastontinkaman karqan. Ahinapin Aaronpa ayllunkunapaq karqan chunka kinsayoq llaqtakuna. 61 Cohatpa wakin familianmanmi qorqanku sorteopi chunka llaqtakunata Jordán mayu inti haykuy ladopi kashaq Manasés kuskan ayllumanta. 62 Gersonpa mirayninmanmi qorqanku hayk'a familiachus kasqanman hina chunka kinsayoq llaqtakunata, Isacar ayllumanta, Aser ayllumanta, Neftalí ayllumanta, Basanpi Manasés ayllumantawan. 63 Merariq mirayninmantaq hayk'a familiachus kasqanman hina qorqanku sorteopi chunka iskayniyoq llaqtakunata Rubén ayllumanta, Gad ayllumanta, Zabulón ayllumantawan. 64 Ahinatan Israel runakunaqa Leví runakunaman qorqanku chay llaqtakunata pastontintakama. 65 Judá ayllumanta, Simeón ayllumanta, Benjamín ayllumantawan sorteopi qorqanku willasqaña kaq chay llaqtakunata. 66 Cohatpa wakin familiankunamanmi Efraín ayllumanta qorqanku 67 orqo-orqopi pakakuna llaqta Shehemta, Gezerta, 68 Jocmeamta, Bet-horonta, 69 Ajalonta, Gat-rimontawan, sapanka chay llaqtakunan pastontinkama karqan. 70 Jordán mayu inti haykuy ladopi kashaq Manasespa kuskan ayllunmantan paykunaman qorqanku Aner llaqtata, Bileam llaqtatawan pastontintakama. 71 Gersonpa mirayninmanmi hayk'a familiachus kasqanman hina qorqanku Manasés kuskan ayllumanta Basanpi kashaq Golán llaqtata, Astarot llaqtatawan pastontintakama. 72 Isacar ayllumantan qorqanku Cedesta, Daberat-ta, 73 Ramot-ta, Anemtawan, sapanka chay llaqtakunan pastontinkama karqan. 74 Aser ayllumantan qorqanku Masalta, Abdonta, 75 Hucocta, Rehobtawan, sapanka chay llaqtakunan pastontinkama karqan. 76 Neftalí ayllumantan qorqanku Galileapi kaq Cedesta, Hamonta, Quiriataimtawan, sapanka chay llaqtakunan pastontinkama karqan. 77 Merariq wakin familiankunamanmi qorqanku Zabulón ayllumanta Rimón llaqtata Tabor llaqtatawan pastontintakama. 78 Jericó qhaway Jordán mayu inti lloqsimuy chimpapipas qollarqankutaq Rubén ayllumanta ch'inneqpi kaq Beserta, Jazata, 79 Cademot-ta, Mefaat-tawan, sapanka chay llaqtakunan pastontinkama karqan. 80 Gad ayllumantapas qorqanku Galaadpi kaq Ramot-ta, Mahanaimta, 81 Hesbonta, Hazertawan, sapanka chay llaqtakunan pastontinkama karqan.
