1 Crónicas 4

1Judapa mirayninkunan karqan: Fares, Hezrón, Carmi, Hur, Sobalpiwan. 2Sobalpa churin Reaiasmi churiyarqan Jahat-ta, Jahat-taq churiyarqan Ahumaita Lahadtawan. Chaykunan Zorah ayllunkuna karqan. 3Etampa churinkunan karqan: Jezreel, Isma, Ibdaspiwan, panankutaq Haze-lel-poni karqan. 4Efrataq phiwi churin Hurpa mirayninkunan karqan: Belenpi tiyaq runakuna. Hurpa churinkunan karqan: Etam, Gedor llaqta sayarichiq Penuel, Husa llaqta sayarichiq Ezerpiwan. 5Tecoa llaqta sayarichiq Asurpan iskay warminkuna karqan: Helapiwan Naarapiwan. 6Naarataq wachakurqan Ahuzamta, Heferta, Temenata, Ahastaritawan. 7Helataq wachakurqan Zeret-ta, Jezoarta, Etnanta, Costawan. 8Cospa mirayninkunan karqan: Anub, Zobeba, Harumpa churin Aharhelpa ayllunkunapiwan. 9Jabesqa wawqenkunamanta aswan allin mentasqan karqan, paytan maman suticharqan Jabesta, sinchi nanaywan wachakusqanrayku. 10Jabesqa Israelpa Diosninmantan mañakurqan: Diosnilláy, saminchaykuway, hallp'aytapas hatunyaykachiy, amataq ñoqamanta t'aqakuychu, mana allinmanta waqaychaway ama muchunaypaq, nispa. Hinan Señor Diosqa mañakusqanta qorqan. 11Suhaq wawqen Quelubmi churiyarqan Mehirta, paymi Estonpa taytan karqan. 12Estontaq churiyarqan Bet-rafata, Paseahta, Nahas llaqta sayarichiq Tehinatawan. Chaykunan Reca llaqtamanta karqan. 13Quenazpa churinkunan karqan: Otoniel, Seraiaspiwan. Otonielpa churinkunan karqan: Hatat, 14Ofraq taytan Meonotaipiwan. Seraiasmi churiyarqan Joabta, paymi karqan Artesanokunaq Wayq'on nisqapi runakunata tiyayta qallarichiq, chay wayq'opi tiyaqkunaqa artesanokunan karqanku. 15Jefoneq churin Calebpa churinkunan karqan: Iru, Ela, Naampiwan. Elaq churintaq Quenaz karqan. 16Jehalelelpa churinkunan karqan: Zif, Zifa, Tirías, Asareelpiwan. 17Esdraspa churinkunan karqan: Jeter, Mered, Efer, Jalonpiwan. Meredmi casarakurqan rey Faraonpa ususin Bitiawan. Paymi wachakurqan Mariata, Samaita, Estemoa llaqta sayarichiq Isbatawan. 18Meredqa casarakullarqantaq Judá ayllu warmiwan, paymi wachakurqan Gedor llaqta sayarichiq Jeredta, Soco llaqta sayarichiq Heberta, Zanoa llaqta sayarichiq Jecutieltawan. 19Hodiasqa Nahampa pananwanmi casarakurqan, mirayninkunataq karqan: Keilapi tiyaq Garmi ayllu, Estemoapi tiyaq Maaca ayllupiwan. 20Simonpa churinkunan karqan: Amnón, Rina, Ben-hanán, Tilonpiwan. Isiq churinkunan karqan: Zohet, Ben-zohetpiwan. 21Judapa churin Selaq mirayninkunan karqan: Leca llaqta sayarichiq Er, Maresa llaqta sayarichiq Laada, Bet-asbeapi tiyaq linota awaq runakuna, 22Joacim, Cozebapi tiyaqkuna, Joás, Sarafpiwan. Paykunas Moab warmikunawan casarakuspa Belenman kutipusqaku, ñawpa qelqakunaq nisqanman hina. 23Chaykunan manka ruwaq karqanku, reypa kamachinta ruwaspankutaq tiyasqaku Netaim llaqtapi, Gedera llaqtapiwan. 24Simeonpa churinkunan karqan: Nemuel, Jamín, Jarib, Zera, Saulpiwan. 25Saulmi churiyarqan Salumta, Salumtaq churiyarqan Mibsamta, Mibsamtaq churiyarqan Mismata. 26Misman churiyarqan Hamuelta, Hamueltaq churiyarqan Zacurta, Zacurtaq churiyarqan Simeita. 27Simeipa churinkunan karqan chunka soqtayoq, ususinkunataq soqta. Wawqenkunaqa manan askha wawayoqchu karqanku, chaymi Simeón aylluqa mana Judá ayllu hinachu mirarqan. 28Paykunan tiyarqanku Beersebapi, Moladapi, Hazar-sualpi, 29Bilhapi, Ezempi, Toladpi, 30Betuelpi, Hormapi, Siclagpi, 31Bet-marcabotpi, Hazar-susimpi, Bet-biraipi, Saaraimpiwan. Chay llaqtakunapin tiyarqanku David kamachikunankama. 32Tiyallarqankutaq kay phisqa llaqtakunapi: Etampi, Ainpi, Remonpi, Toquenpi, Asanpiwan, 33chay llaqtakunaq muyuriqninpi kashaq llapan llaqtachakunapiwan Baalatkama. Chaykunan karqan miraynin qelqakuna, tiyasqanku cheqas qelqakunapas. 34Kaykunan karqan ayllunkuq umallinkuna: Mesobab, Jamlec, Amasiaspa churin Josías, 35Joel, Josibiaspa churin Jehú (Josibiaspa taytanmi karqan Seraías, ñawpa taytantaq Asiel), 36Elioenay, Jaacoba, Jesohaía, Asaías, Adiel, Jesimiel, Benaías, 37Sifiq churin Zizapiwan. Sifiqa Alonpa churinmi karqan, ñawpa taytankunataq karqan: Jedaías, Simri, Semaiaspiwan. 38Tukuy chay runakunan, ayllunkupi kamachikuqkuna karqanku. Ayllunkuqa anchatapunin mirarqan, 39hinan rirqanku Gerar llaqtaq wayq'on inti lloqsimuy cheqaskama, uywankupaq pastota maskhaspanku. 40Chay cheqasqa karqan hatun campoyoqmi, allin pastoyoqtaq sumaq thak-nisqa hallp'a. Ñawpa tiempoqa Campa mirayninkunan chaypi tiyarqan. 41Sutin qelqasqa kashan chay runakunaqa Judá rey Ezequiaspa tiemponpin Gerarman rirqanku, chaypi tiyaq Cam runakunatataq karpantinta Meún runakunatapas lliwta ch'usaqyachirqanku. Hinaspan paykuna chay runakunaq rantinpi tiyapurqanku, uywankupaq allin pasto chaypi kasqanrayku. 42Simeonpa wakin mirayninmantataq phisqa pachak qharikuna Seir orqo-orqoman ripurqanku, umallinkutaq karqan Isiq churinkuna: Pelatías, Nearías, Refaías, Uzielpiwan. 43Paykunan puchuq Amalec runakunata ch'usaqyachirqanku, hinaspa chaypi tiyapurqanku.

will be added

X\