1 Crónicas 27

1Kaykunan karqan Israel ayllu umallikuna, waranqa soldadoq umallinkuna, pachak soldadoq umallinkuna, oficialninkunapiwan. Paykunan reypaq llank'arqanku t'aqankuman hina. Sapanka t'aqa soldadon killankata llank'arqanku watantin, sapanka t'aqapitaq iskay chunka tawayoq waranqa qharikuna karqanku. 2Ñawpaqkaq killapaqmi ñawpaqkaq t'aqa iskay chunka tawayoq waranqa qharikuna karqan, umallinkutaq Zabdielpa churin Jasobeam karqan. 3Jasobeamqa Farespa mirayninmantan karqan, paymi kamachirqan ñawpaq killapaq t'aqasqa llapan oficialkunata. 4Iskaykaq killapaq t'aqasqa iskay chunka tawayoq waranqa qharikuna karqan, umallinkutaq Ahoh ayllumanta Dodai karqan, Miclot-taq yanapaqnin karqan. 5Kinsakaq killapaq t'aqasqa iskay chunka tawayoq waranqa qharikuna karqan, umallinkutaq karqan uma sacerdote Joiadaq churin Benaía, 6ichaqa churin Amisabadmi rantinpi kamachirqan. Benaiaqa kinsa chunka mentasqa qharikunamanta hukninmi karqan, paykunaq umallintaq karqan. 7Tawakaq killapaq t'aqasqa iskay chunka tawayoq waranqa qharikuna karqan, umallinkutaq Joabpa wawqen Asael karqan, chay qhepatataq churin Zebadías kamachirqan. 8Phisqakaq killapaq t'aqasqa iskay chunka tawayoq waranqa qharikuna karqan, umallinkutaq Izraq miraynin Samhut karqan. 9Soqtakaq killapaq t'aqasqa iskay chunka tawayoq waranqa qharikuna karqan, umallinkutaq Tecoamanta Iquespa churin Ira karqan. 10Qanchiskaq killapaq t'aqasqa iskay chunka tawayoq waranqa qharikuna karqan, umallinkutaq Efrainpa mirayninmanta Pelón llaqtayoq Heles karqan. 11Pusaqkaq killapaq t'aqasqa iskay chunka tawayoq waranqa qharikuna karqan, umallinkutaq Zeraq mirayninmanta Husa llaqtayoq Sibecai karqan. 12Isqonkaq killapaq t'aqasqa iskay chunka tawayoq waranqa qharikuna karqan, umallinkutaq Benjaminpa mirayninmanta Anatot llaqtayoq Abiezer karqan. 13Chunkakaq killapaq t'aqasqa iskay chunka tawayoq waranqa qharikuna karqan, umallinkutaq Zeraq mirayninmanta Netofa llaqtayoq Maharai karqan. 14Chunka hukniyoqkaq killapaq t'aqasqa iskay chunka tawayoq waranqa qharikuna karqan, umallinkutaq Efrainpa mirayninmanta Piratón llaqtayoq Benaía karqan. 15Chunka iskayniyoqkaq killapaq t'aqasqa iskay chunka tawayoq waranqa qharikuna karqan, umallinkutaq Otonielpa mirayninmanta Netofa llaqtayoq Heldai karqan. 16Israel ayllukunaq umallinkunataq kay hina karqan: Rubén aylluq umallin: Zicriq churin Eliezer. Simeón aylluq umallin: Maacaq churin Sefatías. 17Leví aylluq umallin: Kemuelpa churin Hasabías, Aaronpa miraynin umallitaq Sadoc. 18Judá aylluq umallin: Davidpa wawqen Eliú. Isacar aylluq umallin: Micaelpa churin Omri. 19Zabulón aylluq umallin: Abdiaspa churin Ismaías. Neftalí aylluq umallin: Azrielpa churin Jerimot. 20Efraín aylluq umallin: Azaziaspa churin Oseas. Jordán mayu inti haykuy ladopi Manasespa kuskan aylluq umallin: Pedaiaspa churin Joel. 21Galaadpi Manasespa hukkaq kuskan aylluq umallin: Zacariaspa churin Iddo. Benjamín aylluq umallin: Abnerpa churin Jaasiel. 22Dan aylluq umallintaq: Jerohampa churin Azareel. Chaykunan karqan Israel ayllukunaq umallinkuna. 23Señor Diosmi Davidta nisqa: Israel runakunataqa ch'askata hinaraqmi mirachisaq, nispa, chaymi Davidqa mana yuparqanchu manaraq iskay chunka watayoq runakunataqa. 24Sarviaq churin Joabmi runa yupayta qallarirqan, ichaqa manan tukurqanchu. Chay runa yupay hawan Señor Diosqa Israel contra phiñakurqan, chaymi rey Davidpa Willakuy Qelqanpi mana qelqasqachu karqan hayk'achus yupasqa kasqan. 25Adielpa churin Azmavetmi reypa illan waqaychana wasinkunata qhawarqan, Uziaspa churin Jonatantaq campopi, llaqtakunapi, huch'uy llaqtachakunapi, pukarakunapi waqaychana wasikunata qhawarqan. 26Campopi chakra llank'aq runakunatataq kamachirqan Quelubpa churin Ezri. 27Uvas chakra tukuy llank'aykunapin umalli karqan Ramá llaqtayoq Simei. Vino waqaychana wasikuna umallitaq karqan Zif llaqtayoq Zabdi. 28Olivos sach'akunata Shefela moqo-moqopi k'ita higos sach'akunata tukuy llank'aypi umallitaq karqan Geder llaqtayoq Baal-hanán. Olivo aceite waqaychana wasikuna umallitaq karqan Joás. 29Sharón pampapi uywa michiqkunata kamachirqan Sharón llaqtayoq Sitrai. Wayq'okunapi kashaq uywa michiqkunatataq kamachirqan Adlaipa churin Safat. 30Camello michiqkunatan kamachirqan Ismael runa Obil. Asno michiqkunatataq kamachirqan Meronot llaqtayoq Jehedías. 31Ovejatapas cabratapas michiqkunatan kamachirqan Hagare runa Jaziz. Llapan chaykunan rey Davidpa kaqninkunapi kamachikuqkuna karqan. 32Davidpa tion Jonatanmi karqan yachaysapa yuyaychaqpas qelqaqpas. Paymi Hacmoniq churin Jehielpiwan reypa churinkunata yachachirqan. 33Ahitofelqa reypa yuyaychaqninmi karqan. Arqui runa Husataq reypa amigon karqan. 34Ahitofelpa wañukapusqan qhepatataq reyta yuyaycharqan Benaiaq churin Joiada, Abiatarpiwan. Joabtaq reypa ejerciton umalli karqan.

will be added

X\