1 Hinallataq Davidpa ejército umallinkunapiwan qharikunata akllarqanku Asafpa mirayninmanta, Hemanpa mirayninmanta, Jedutunpa mirayninmantawan. Paykunan profetizarqanku arpa, tawtinku, platillo tocaypi. Kaykunan yupaychana wasipi chay hinata ruwanankupaq t'aqasqa karqanku. 2 Asafpa churinkuna: Zacur, José, Netanías, Asarelapiwan, paykunan taytanku Asafpa kamachisqan karqanku. Asafqa reypa kamachisqanman hinan profetizarqan. 3 Jedutunpa soqtantin churinkuna: Gedalías, Zeri, Jesaías, Hasabías, Matatías, Simeipiwan, paykunapas taytanku Jedutunpa kamachisqanmi karqanku. Jedutunqa profetizarqan arpata tocaspa, Señor Diosta yupaychananpaq, graciasta qonanpaqwan. 4 Hemanpa churinkuna: Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir, Mahaziotpiwan. 5 Diosmi reypa profetan Hemanman payta hatunchananpaq prometesqa, chaymi Diosqa chay chunka tawayoq churinkunata kinsa ususinkunatawan qorqan. 6 Llapan chay qharikunan taytankuq Hemanpa kamachisqan Señor Diospa wasinpi takirqanku, arpata, tawtinkuta, platillota tocaspankutaq yupaycharqanku. Asafwan Jedutunwan Hemanwanqa reypa kamachisqanmi karqanku. 7 Llapallankun ayllunkupiwan kuska Señor Dios yupaychay takikunatapas tocaykunatapas yachachisqa karqanku, kusatataq atiqkupas. Llapankun karqan iskay pachak pusaq chunka pusaqniyoq. 8 Paykunan ruwanankuta sorteopi rakinakurqanku, llapanku huñulla, yachachiqpas yachaqaqpas, kurakpas sullk'apas. 9 Ñawpaqkaq suerten tuparqan Asafpa mirayninmanta Joseman, paymi churinkunapiwan wawqenkunapiwan chunka iskayniyoq karqanku. Iskaykaq suertetaq Jedaliasman tuparqan, paypas churinkunapiwan wawqenkunapiwan chunka iskayniyoq karqanku. 10 Kinsakaq suertetaq Zacurman tuparqan, paypas churinkunapiwan wawqenkunapiwan chunka iskayniyoq karqanku. 11 Tawakaq suertetaq Izriman tuparqan, paypas churinkunapiwan wawqenkunapiwan chunka iskayniyoq karqanku. 12 Phisqakaq suertetaq Netaniasman tuparqan, paypas churinkunapiwan wawqenkunapiwan chunka iskayniyoq karqanku. 13 Soqtakaq suertetaq Buquiasman tuparqan, paypas churinkunapiwan wawqenkunapiwan chunka iskayniyoq karqanku. 14 Qanchiskaq suertetaq Jesarelaman tuparqan, paypas churinkunapiwan wawqenkunapiwan chunka iskayniyoq karqanku. 15 Pusaqkaq suertetaq Jesahiasman tuparqan, paypas churinkunapiwan wawqenkunapiwan chunka iskayniyoq karqanku. 16 Isqonkaq suertetaq Mataniasman tuparqan, paypas churinkunapiwan wawqenkunapiwan chunka iskayniyoq karqanku. 17 Chunkakaq suertetaq Simeiman tuparqan, paypas churinkunapiwan wawqenkunapiwan chunka iskayniyoq karqanku. 18 Chunka hukniyoqkaq suertetaq Azareelman tuparqan, paypas churinkunapiwan wawqenkunapiwan chunka iskayniyoq karqanku. 19 Chunka iskayniyoqkaq suertetaq Hasabiasman tuparqan, paypas churinkunapiwan wawqenkunapiwan chunka iskayniyoq karqanku. 20 Chunka kinsayoqkaq suertetaq Subaelman tuparqan, paypas churinkunapiwan wawqenkunapiwan chunka iskayniyoq karqanku. 21 Chunka tawayoqkaq suertetaq Matatiasman tuparqan, paypas churinkunapiwan wawqenkunapiwan chunka iskayniyoq karqanku. 22 Chunka phisqayoqkaq suertetaq Jeremotman tuparqan, paypas churinkunapiwan wawqenkunapiwan chunka iskayniyoq karqanku. 23 Chunka soqtayoqkaq suertetaq Hananiasman tuparqan, paypas churinkunapiwan wawqenkunapiwan chunka iskayniyoq karqanku. 24 Chunka qanchisniyoqkaq suertetaq Josbecasaman tuparqan, paypas churinkunapiwan wawqenkunapiwan chunka iskayniyoq karqanku. 25 Chunka pusaqniyoqkaq suertetaq Hananiasman tuparqan, paypas churinkunapiwan wawqenkunapiwan chunka iskayniyoq karqanku. 26 Chunka isqonniyoqkaq suertetaq Malotiman tuparqan, paypas churinkunapiwan wawqenkunapiwan chunka iskayniyoq karqanku. 27 Iskay chunkakaq suertetaq Eliatman tuparqan, paypas churinkunapiwan wawqenkunapiwan chunka iskayniyoq karqanku. 28 Iskay chunka hukniyoqkaq suertetaq Hotirman tuparqan, paypas churinkunapiwan wawqenkunapiwan chunka iskayniyoq karqanku. 29 Iskay chunka iskayniyoqkaq suertetaq Gidaltiman tuparqan, paypas churinkunapiwan wawqenkunapiwan chunka iskayniyoq karqanku. 30 Iskay chunka kinsayoqkaq suertetaq Mahaziotman tuparqan, paypas churinkunapiwan wawqenkunapiwan chunka iskayniyoq karqanku. 31 Iskay chunka tawayoqkaq suertetaq Romanti-ezerman tuparqan, paypas churinkunapiwan wawqenkunapiwan chunka iskayniyoq karqanku.
