1 Crónicas 24

1Kaymi Aaronpa mirayninkuna t'aqa-t'aqa rakisqa. Aaronpa churinkunan karqan Nadab, Abiú, Eleazar, Itamarpiwan. 2Nadabwan Abiuwanqa taytankumanta aswan ñawpaqtaraqmi wañukapurqanku, manataq wawankupas karqanchu, chaymi Eleazarpiwan Itamarpiwan sacerdote-kayta chaskirqanku. 3Davidmi Eleazarpa mirayninmanta Sadocpiwan Itamarpa mirayninmanta Ahimelecpiwan t'aqa-t'aqaman sacerdotekunata rakirqan llank'anankuman hina. 4Itamarpa miraynin ayllu umallikunamantaqa Eleazarpa mirayninmantan aswan askha ayllu umallikuna karqan, chaymi rakirqanku Eleazarpa mirayninmanta chunka soqtayoq ayllu umallikunata, Itamarpa mirayninmantataq pusaq ayllu umallikunata. 5Eleazarpa mirayninpipas Itamarpa mirayninpipas karqanmi Diosta yupaychana wasipi serviq umallikuna, Diosta wak cheqaskunapi serviq umallikunapas, chayraykun mana mayqenmanpas sayakuspa sorteopi akllarqanku. 6Chaymi sorteopi akllarqanku Eleazarpa ayllunpaq iskayta, Itamarpa ayllunpaqtaq hukta, ahinatan ruwarqanku tukunankukama. Hinan Leví runakunamanta Natanaelpa churin qelqaq Semaiasqa sutinkunata reypa ñawpaqenpi umallikunaq ñawpaqenpiwan qelqarqan. Chay umallikunan karqan: Sacerdote Sadoc, Abiatarpa churin Ahimelec, sacerdote ayllunkunaq umallinkuna, Leví runakunaq umallinkunapiwan. Sorteopin akllarqanku Eleazarpa iskay ayllunta, Itamarpatataq huk ayllunta. 7Ñawpaqkaq suerten tuparqan Joiaribman, iskaykaqtaq Jedaiasman, 8kinsakaqtaq Harimman, tawakaqtaq Seorimman, 9phisqakaqtaq Malquiasman, soqtakaqtaq Mijaminman, 10qanchiskaqtaq Cosman, pusaqkaqtaq Abiasman, 11isqonkaqtaq Jesuaman, chunkakaqtaq Secaniasman, 12chunka hukniyoqkaqtaq Eliasibman, chunka iskayniyoqkaqtaq Jaquimman, 13chunka kinsayoqkaqtaq Hupaman, chunka tawayoqkaqtaq Jesebeabman, 14chunka phisqayoqkaqtaq Bilgaman, chunka soqtayoqkaqtaq Imerman, 15chunka qanchisniyoqkaqtaq Hezirman, chunka pusaqniyoqkaqtaq Afsesman, 16chunka isqonniyoqkaqtaq Petaiasman, iskay chunkakaqtaq Hezequielman, 17iskay chunka hukniyoqkaqtaq Jaquinman, iskay chunka iskayniyoqkaqtaq Gamulman, 18iskay chunka kinsayoqkaqtaq Delaiaman, iskay chunka tawayoqkaqtaq Maaziasman. 19Chay hina rakisqan karqan Señor Diospa wasinman llank'aq haykunankupaq, Aarón ñawpa taytankuq kamachisqanman hinataq ruwarqanku, chaytan Aaronqa Israelpa Diosnin Señor Diosmanta chaskisqa paykunata kamachinanpaq. 20Wakin Leví runakunaq umallinkunataq karqan: Amrampa mirayninmanta Subael, Subaelpa mirayninmanta Jehedías, 21Rehabiaspa mirayninmanta umalli Isías, 22Izharpa mirayninmanta Selomot, Selomotpa mirayninmanta Jahat. 23Hebronpa mirayninmanta tawa karqan: ñawpaqkaq Jerías, iskaykaqtaq Amarías, kinsakaqtaq Jahaziel, tawakaqtaq Jecamán. 24Uzielpa mirayninmantan karqan Micaía, Micaiaq mirayninmantan karqan Samir, 25Micaiaq wawqen Isiaspiwan. Isiaspa mirayninmantan karqan Zacarías. 26Merariq mirayninmantan karqan Mahli, Musi, Jaaziaspiwan. 27Jaaziaspa ayllunmantan karqan: Soham, Zacur, Ibripiwan. 28Mahaliq mirayninmantan karqan Eleazar, payqa manan churiyoqchu karqan. 29Cispa mirayninmantan karqan Jerameel. 30Musiq mirayninmantan karqan: Mahli, Edar, Jeremotpiwan. Chaykunan karqan Leví runakunaq ayllunman hina. 31Paykunaqa Aaronpa miraynin wawqenku hinan sortearqanku rey Davidpa ñawpaqenpi, Sadocpa, Ahimelecpa, sacerdote ayllu umallikunaq, Leví runakunaq umallinkunaqpas ñawpaqenkupi, kurakkaqpa aylluntapas sullk'akaqpa aylluntapas kaqtakama kuskachaspanku.

will be added

X\