TITO 2

1Qampa imatapis parlasqaykeqa cheqa yachachiyman jina kachun. 2Machu runasqa kachunku allin yuyayniyoj, allimpaj qhawasqas, aychankoj munayninwan mana atipachikojkuna, allin sayasqataj creesqankupi, munakuypi, pacienciapi ima. 3Jinallataj paya warmispis Diospi creejkuna jina kawsachunku. Ama cuento q'epis nitaj machakojkuna kachunkuchu, manachayqa allin kajta yachachejkuna kachunku. 4Sipas warmista yachachichunku sapa ujpis qosankuta, wawasninkutawan munakuyta, 5allin yuyayniyoj, llimphu kawsayniyoj ima kanankuta. Yachachillachunkutaj wasisninkuta allinta qhawanankuta, k'achas kanankuta, sapa ujpis qosankuman k'umuykukoj sonqoyoj kanankuta ima, ajinapi Diospa Simi Nisqanmanta ama pipis sajrata rimanampaj. 6Ajinallatataj waynastapis yachachispa yanapariy aychankoj munayninwan ama atipachikunankupaj. 7Qan kikiykipis tukuy imapi allin kawsayniykita rikuchiy, yachanankupaj qan jina allinta kawsakuyta. Yachachishaspaqa, yachachiy cheqa sonqowan, mana pujllakuspa jinallachu. 8Parlasqaykeqa allin kachun, mana k'amina jina, ajinamanta contraykipi sayajkuna p'enqachisqa kanankupaj contranchejpi mana ima sajrata niyta atisqankurayku. 9Wata runasmampis yachachillaytaj patronesninkuman k'umuykukunankuta, tukuy imapi paykunata kusichispa. Paykunaqa ama kutichikuchunkuchu, 10nitaj imatapis suwakuchunkuchu, manachayqa tukuy ruwanasninkuta junt'aspa, k'achas kachunku, ajinamanta tukuy imapi Dios Salvawajninchejpa yachachiyninta allimpi rikhurichinankupaj. 11Diospa qhasilla k'acha yanapaynin rikuchikun, runas chayta mana jap'inankupaj jina kashajtinku, paykuna salvasqa kanankupaj. 12Chay qhasilla k'acha yanapaynintaj yachachiwanchej mana cheqan kajman jina kawsaytaqa qhesachananchejta, kay pachaj sajra munapayaynintapis. Yachachillawanchejtaj kay tiempopi kawsananchejta aychanchejpa munayninta atipaspa, cheqanta ruwaspa, Diosta manchachikuspataj. 13Ajinata kawsaspa, suyakushanchejpuni chay kusiy p'unchay chayamunanta, maypachachus jatun Diosninchej Salvawajninchej Jesucristoj jatun kaynimpa k'anchaynin rikhurimonqa chaypacha. 14Pay kikin noqanchejrayku waƱuyman rerqa, tukuy juchamanta kacharichinawanchejpaj, llimphuchanawanchejpajtaj Paypa ayllun kananchejpaj, allin kajta tukuy sonqo ruwayta munaspa. 15Chay imasta yachachiy. Uyarisojkunata yuyaychay, k'amiytaj tukuy atiywan, amataj pipis qanta pisipaj qhawasuchunchu.

will be added

X\