CANTARES 8

1Sichus qan wawqey kawaj, mamaypa ñuñunwantaj wiñasqa kawaj chayqa, qanta tariytawan much'aykuykiman, chaymantataj runasqa mana pisipaj qhawawankumanchu. 2Chantapis noqaqa mamaypa wasinman pusaykuykiman, qantaj yachachiwankiman imaynachus munakuna kasqanta. Chantá sumaj kaj vinota noqaqa ujyachiykiman, granadasniymanta ch'irwasqatawan. 3Lloq'e makinta kunkay uraman churachun, paña makinwantaj ojllaykuwachun. 4Jerusalenmanta sipaskuna, jurawaychej: Munasqaytaqa ama rijch'arichipuwaychejchu. Saqepuwaychej puñukojta payllamanta rijch'arinankama. 5Pitaj ch'in pampamanta jamushanri, munasqanman atiykukuspari? 6Sonqoykiman apaykuway ari, makiykipi ñit'isqa señalta jina. Munakoyqa wañuy jina atiyniyoj. Celosakoyqa mana atipana ukhu pacha jina. Munakoyqa nina brasas jina k'ajarin, sinch'i nina larway jina. 7Ashkha yakuspis munakuytaqa mana thasnunmanchu, nillataj mayu yakuspis chinkachinmanchu. Sichus uj runa kapusqanwan munakuyta rantiyta munanman chayqa, cheqamanta chay runaqa pisipaj qhawasqa kanman. 8Uj juch'uy panitayku tiyapuwayku manaraj ñuñusniyoj. Payta mañaqaj jamojtinku, imanasuntajri? 9Sichus pay perqa kanman chayqa, chay perqa patapi qolqemanta torresta ruwaykuman. Sichus payqa punku kanman chayqa, cedro tablaswan payta wisq'aykusunman. 10Noqaqa uj perqa jina kani, ñuñusniypis torres jina. Chayrayku paypa ñawpaqempi kusiyta tariniña. 11Salomonpata uj uva huertan Baal-hamonpi karqa. Chayta saqerqa qhawajkunaman; paykunamanta sapa uj waranqa qolqeta poqoyninmanta apamunan karqa. 12Uva huertaytajrí ñawpaqeypi kashan. Salomón, qampajqa waranqa qolqe phisus kanqa, iskay pachajtaj pikunachus qhawaspa poqochejkunapaj kanqa. 13Huertas ukhupi tiyakoj warmi, kawsaqesninchej parlasqaykita uyarinku. Noqamampis chay parlasqaykita uyarichiway. 14Usqhayta t'ijuy ari, munasqáy; taruka jina phinkiriy, chayrí uña taruka jina k'achituta q'aparishaj lomasninta phinkiriy.

will be added

X\