CANTARES 6

1Tukuy warmismanta aswan k'achita warmi, maymantaj rin munakusqaykiri? Maymantaj chantá rinman karqa munasqaykiri? Qanwan khuska rispa, mask'amunachej. 2Munasqayqa huertanman rin, ima munay q'aparishaj huertanman, chay huertampi ovejasninta michimunampaj, lirio t'ikastawan pallamunampaj. 3Noqaqa munakusqaypata kani, paypis noqajta. Payqa ovejasninta lirio t'ikas chawpipi michin. 4Qanqa, munasqetáy, k'achita kanki, may munana Tirsa llajta jina, Jerusalén llajta jinataj. Sinrulla rishaj soldados jina may t'ukuna kanki. 5Amaña chay jinata qhawawaychu; chay ñawisniykeqa sonqoyta suwawaspa, atipawan. Chujchasniykeqa Galaad kinraykunapi ashkha cabras urayk'amushanman jina. 6Kirusniykeqa millmasnin ruthurasqa sumaj mayllasqa ashkha ovejas jina, sapa ujninkupis iskay uñayojkama kankuman jina, ni ujllapis mana uñasniyoj kanmanchu jina. 7Uyitaykeqa granada phatasqa jina, suk'umpayki urapi. 8Reinasqa sojta chunka kanku, pusaj chunkataj tanta warmis, sipaskunataj ashkha kanku. 9Noqaj palomitayrí uj k'atalla, pay k'atalla allin kajqa. Pay k'atalla mamampa ususin, mamampajtaj aswan munasqa kaj. Tukuy sipaskuna payta rikuytawan, ninku: Kusikuyniyojmin payqa, nispa. Paytaqa reinaswan, tanta warmiswan maytapuni jatunchanku. 10Pitaj sut'iyayta intej k'anchaynin jina rikhurimun, killa jinataj k'achitari, inti jina k'ancharishaj, sinrulla lliphipishaj ch'askas jina may t'ukunari? 11Nogal nisqa sach'as huertaman urayk'orqani, imaschus chay vallepi poqon, chayta qhawarej, imaynatachus uva sach'a ijimushajta, granadaspis t'ikasharqachus manarajchus, chaytawan qhawarej. 12Chaymantaqa manaña imamantapis yuyarikorqanichu, kamachejniypa carretampiña rikhurinaykama. 13Kutirimpuy, kutirimpuy ari sulamita; kutirimpuy, kutirimpullay ari, rikusuytapuni munayku.

will be added

X\