SALMOS 99

1Tata Diosqa kamachishan; tukuy naciones kharkatichunku, imaraykuchus Paypa kamachina tiyananqa querubinespa chawpinkupi kashan. Jallp'apis kharkatillachuntaj. 2Tata Diosqa Sión Orqopi jatunmin. Tata Diosqa tukuy nacionesmanta aswan patapi kashan. 3May manchana jatun sutenqa yupaychasqa kachun. Diosqa may santomin. 4Qanqa atiyniyoj Rey kanki; Qan kikiyki cheqan kajta sayacherqanki. Cheqa kajta, cheqan kajtataj Jacobpa miraynimpi ruwarqanki. 5Jatunchaychej Señorninchej Tata Diosta. Kamachina tiyanampi tiyashajtin, ñawpaqenman k'umuykukuychej. Diosqa may santomin. 6Moiseswan, Aaronwan sacerdotesnin karqanku; Samuelpis Diospa sutinta oqharejkunawan khuska karqa. Paykunaqa Tata Diosta wajyakoj kanku, Paytaj wajyakusqankuta uyarej. 7Diosqa paykunawan parlarqa chhoqo phuyu ukhumanta; paykunaqa nisqanta junt'arqanku, tukuy chay kamachisqasnintawan. 8Señorniyku Tata Dios, Qan paykunaman kuticherqanki; Qanqa paykunaj juchasninkuta pampacharqanki. Juchallikojtinkutaj, paykunata castigarqanki. 9Señorninchej Tata Diosta jatunchaychej, ajllakusqan orqompitaj k'umuykukuychej. Señorninchej Tata Diosqa may santomin.

will be added

X\