SALMOS 98

1Uj mosoj takiyta Tata Diosman takirikuychej, may t'ukunasta Pay ruwasqanrayku. Payqa makimpa atiyninwan tukuyta atipan. 2Tata Diosqa salvacionninmanta willarqa, cheqan kaynintataj rikucherqa, tukuy runas rikushajtinku. 3Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runasqa, Diosninchejpa salvacionninta rikunku. 4Diosninchejman kusisqa takirikuychej, kay pachapi kaj chhika runas. Tukuy sonqo kusiywan Tata Diosman takiychej. 5Takiykunata Tata Diosman takirikuychej arpaj waqaynimpi, cuerdasniyoj tocanaspa waqaynimpi ima. 6Tata Dios Reypa ñawpaqempi kusisqas takirikuychej, cornetaspa waqaynimpi, pututuspa waqaynimpi ima. 7Mama qocha qhaparichun, tukuy ima chaypi kajpis. Kay pachapis qhaparichun, tukuy chaypi kawsakojkunapis. 8Mayus t'ajllakuchunku, orqospis uj kunkalla kusikuywan qhaparichunku 9Tata Diospa ñawpaqempi. Payqa jamushan kay pachata juzganampaj. Pay juzganqa kay pachapi llajtasta cheqanta, mana pantaspa.

will be added

X\