SALMOS 97

1Tukuy kay pacha kusikuchun. Mama qocha chawpipi churuspis kusikuchunku. Tata Diosqa Reymin. 2Sinch'i yanayarishaj phuyus chawpipi Pay kashan; cheqa kajwan, maychus kajwantaj kamachina tiyananta sayachin. 3Ninaqa ñawpaqenta rispa, muyuynimpi kaj enemigosninta q'olaykun. 4Lliuj lliujninkunaqa kay pachata k'anchaykun, jallp'ataj chayta rikuspa, kharkatin. 5Orqosqa vela wira jina unuyapunku Tata Diospa ñawpaqempeqa, imaraykuchus Paymin dueño tukuy kay pachamanta. 6Cieloqa cheqan kayninta willashan, tukuy runastaj jatun kayninta rikunku. 7Lantista tukuy yupaychajkuna p'enqaypi rikhurichunku, pikunachus lantisrayku runaykachajkuna; tukuy dioskunataj Tata Diospa ñawpaqenman qonqorikuchunku. 8Tata Dios, Sionqa, jinallataj Judá suyupi llajtaspis kamachisqasniykimanta anchatapuni kusikunku. 9Qanlla Tata Dios, kay pachapi tukuy kaj chhikaj patampi kanki, tukuy dioskunamanta aswan patapi. 10Tata Diosta munakojkunaqa sajra kajta chejnichunku. Tata Diosqa Paypaj t'aqasqa kajkunaj kawsayninkuta waqaychan; sajra runaspa makisninman urmanankumantapis waqaychan. 11Cheqan runapaj k'anchay lliphipin, kusikuytaj rikhurimun cheqan sonqoyoj k'acha runapaj. 12Cheqan k'acha runas, Tata Diospi kusikuychej, santo sutintataj yupaychaychej.

will be added

X\