SALMOS 95

1Jamuychej, Tata Diosman; kusiywan takirikusunchej; takisunchej waqaychaj Salvawajninchejman. 2Agradecekuspa ñawpaqenman yaykunachej, takinataj Payta yupaychaspa, 3imaraykuchus Tata Diosqa jatun Diosmin, tukuy dioskunaj jatun reyninkutaj. 4Paypa makimpi kanku kay pachaj ukhusnimpis, jinallataj aswan alto orqospis Paypata kanku. 5Paypata mama qochapis, Pay ruwasqanrayku. Ch'aki jallp'apis Paypallatataj, makisninwan ruwasqanrayku. 6Jamuychej, qonqorisqas yupaychanachej. Qonqorikunachej Tata Diospa ñawpaqempi, imaraykuchus Payqa ruwawarqanchej. 7Paymin Diosninchej, noqanchejtaj ayllun kanchej, q'omer pampaspi kaj ovejasnin. Uyariychej kunan Paypa nisqanta: 8Ama Meribapi jinaqa sonqoykichejta rumiyachiychejchu, chay p'unchaypi jina Masahpi, chay ch'in pampapi. 9Chaypacha ñawpa tatasniykichejqa pruebaman churawarqanku, ruwasqasniyta rikushaspapis. 10Tawa chunka watasta chaypacha runaswan phiñasqa karqani. Nerqanitaj: Kay runasqa mana allintachu purinku, manataj kamachisqasniytapis kasuwankuchu, nispa. 11Chayrayku sinch'i phiñakuyniypi jurarqani: Samarichinayman mana yaykonqankuchu, nispa.

will be added

X\