1 Tata Diosqa Reymin; Payqa jatun kayninwan p'achallikun, atiyninwantaj chumpiykukun. Tata Diosqa kay pachata sinch'ita sayachin mana kuyunampaj jina. 2 Chaymantapacha, Tata Dios, kamachina tiyanaykeqa sinch'ita sayan. Qanqa wiñaymantapacha karqanki. 3 Tata Dios, mayusqa sonarispa wasarimunku, sinch'ita qhollchoqeyaspa. 4 Qantajrí, janaj pachapi kaj Tata Dios, chay yaku oqharikojmantapis aswan atiyniyoj kanki; phiña mama qocha qhollchoqeyaymantapis aswan atiyniyoj kanki. 5 Tata Dios, tukuy Qampa kamachisqasniyki sumaj sayasqa kanku. Santo kayniykeqa wiñaypaj wasiykita k'achancharin.
