SALMOS 91

1Patapi kaj Diospa waqaychaynimpi kawsakojqa Tukuy Atiyniyoj Diospa llanthumpi samarikonqa. 2Tata Diosman nisaj: Qan kanki pakakunay, jark'achasqa wasiy, Diosniytaj; Qampi atienekusaj, nispa. 3Paylla librasonqa tukuy pakasqa tojllasmanta, wañuchej onqoykunamantawan. 4Lijrasninwan qhataykusonqa; chay urapi sumaj pakasqa kanki, cheqa kaynintaj jark'akuna escudo jina jark'akusonqa. 5Tutan mancharichikoj imasmanta mana manchachikunkichu, nitaj p'unchaypi kacharimusqa flechasmantapis. 6Nillataj laqhayaypi chayamoj onqoymantapis manchachikunkichu, ni chawpi p'unchaypi tukuchej onqoymantapis. 7Waranqas wañonqanku lloq'e ladoykipi, chunka waranqataj paña ladoykipi. Chaywampis, Qantaqa mana imanasonqachu. 8Cheqamanta chaykunataqa qhawallanki, rikunkitaj sajra runas ruwasqankuman jina castigasqa kanankuta. 9Tata Diospi atienekusqaykirayku, Jatun Diosta jark'asojniykipaj churakusqaykiraykutaj, 10mana ima sajra kajpis chayamusonqachu, nitaj onqoypis wasiykiman yaykumusonqachu. 11Payqa angelesninta kamachenqa maymampis rejtiyki qhawasunankupaj. 12Makisninkupi apasonqanku, ama ima rumipipis misk'akunaykipaj. 13Katarej patantapis purinki. León uñatapis, dragón nisqa phiña sierpetapis sarullankitaj. 14Tata Diosqa nin: Pay munakuwasqanrayku, Noqa payta salvasaj, patamantaj payta oqharisaj Noqata rejsiwasqanrayku. 15Pay wajyawajtin, Noqa uyarisaj. Llakiypipis Noqa paywan kasaj, libraspataj pataman payta churasaj. 16Ashkha watasta kusiypi payta kawsachisaj, salvacionniytataj payman rikuchisaj.

will be added

X\