SALMOS 87

1Diospa llajtampa cimientosnenqa santo orqo patapi sayachisqa kanku. 2Tata Diosqa Sionpa punkusninta munakun, Jacobpa tukuy wasisninmanta astawan. 3Diospa llajtan, may k'acha imasta qanmanta parlanku. 4Rejsiwaj llajtasmanta kay sutista oqharisaj: Egipto, Babilonia, Filistea, Tiro, Etiopiawan. Kayqa Sionpi nacekorqa, nispa nenqanku. 5Sión llajtamantarí nenqanku: Kaypis, jaqaypis chaypi nacekorqanku, nispa, kikin Patapi Kaj Diostaj sayachenqa. 6Tata Diosqa paykunata yupaspa, sutisninkuta libropi qhelqan: Kayqa Sionpi nacekorqa, nispa. 7Takejkuna, qenata tocajkunapis nenqanku: Tukuy kusikuyneyqa qanmanta p'utumun, nispa.

will be added

X\