SALMOS 85

1Tata Dios, Qanqa may k'acha karqanki kay aylluykiwan; Israelman kusiyta kutichiporqanki. 2Aylluykej sajra kayninta perdonarqanki, tukuy juchasnintapis p'ampaykorqanki. 3Tukuy sinch'i phiñakuyniykita ñit'iykukorqanki, k'ajaj phiñakuyniykitataj tiyaykuchikorqanki. 4Salvawajniyku Dios, ujtawan ñawpa kasqaykuman kutichiwayku ari, amañataj noqaykupaj phiñasqa kaychu. 5Wiñaypajchu noqaykupaj phiñasqa kanki? Phiñasqallapunichu tukuy tiempo kanki? 6Manachu watejmanta kawsayta qowasqayku, aylluyki Qanrayku kusikunaykupaj? 7Tata Dios, khuyakuyniykita rikuchiwayku, salvawaykutaj. 8Uyarisaj imatachus Tata Dios parlanqa, chayta. Payqa allimpi kawsaymanta ayllunman parlanqa, Payta qhatejkunaman, paykuna ama watejmanta musphaykachanankupaj. 9Cheqamanta Diosqa qayllapipuni kashan, Payta munakojkunata salvanampaj, Paypa jatun kaynimpa k'anchaynin jallp'anchejpi kakunampaj. 10Munakuywan cheqa kajwan tinkukunku; cheqan kaywan, sonqo tiyaykusqa kaywan much'anakunku. 11Cheqa kajqa jallp'amanta p'utumun, cheqan kajtaj janaj pachamanta qhawamun. 12Tata Diospuni allin kajta parachimonqa, jallp'anchejtaj sumajta poqorenqa. 13Cheqan kajqa Tata Diospa ñawpaqenta renqa, ñantataj wakichenqa.

will be added

X\