SALMOS 82

1Diosqa jatun tantakuypi kuraj jina parlarishan; Payqa kamachejkuna ukhupi juzgashan. 2Jayk'ajkamataj qankunaqa mana cheqanta juzgankichejchu, sajra kajkunamantaj kutikunkichejri? 3Justiciata ruwaychej pisi kallpayojkunata, wajcha wawasta ima. Justiciata ruwaychej wajchasta, ├▒ak'arichisqasta ima. 4Libraychej pisi kallpayojkunata. Mana kapuyniyojtapis libraychej, sajra runasmantataj jark'akuychej. 5Qankunaqa mana yachankichejchu, nitaj entiendenkichejchu; laqhapi purishankichej. Kay pachaj cimientosnintaj thalakunku. 6Noqa nerqani qankunaqa dioskuna kasqaykichejta, tukuytaj Patapi Kaj Diospa wawasnin kasqaykichejta. 7Chaywampis, tukuy runa jinalla wa├▒unkichej, tukuy sajra kamachej jinallataj urmankichej. 8Sayarikuy, Diosniyku, kay pachata juzgay, imaraykuchus tukuy naciones Qampata kanku.

will be added

X\