1 Señorniyku Tata Dios, sutiykeqa may jatunmin tukuy kay pachapi. Jatun kayniykita janaj pacha patapi churarqanki. 2 Ñuñojkuna, juch'uy wawaspis atiyniykimanta qhaparispa takirinku. Chay qhaparisqankuwantaj Qan enemigosniykej ñawpaqempi jark'anata sayachinki, chejnisojkunata, contraykipi oqharikojkunatawan ch'inyachinaykipaj. 3 Qampa ruwasqayki cielota rikuspa, churasqayki killata, ch'askastawan ima, noqa nini: 4 Imataj runa kasqa paymanta yuyarikunaykipajri? Imataj runa kasqa payta allinta qhawanaykipajri? 5 Yaqhapuni janaj pachapi kajkunata jina ruwarqanki; payta jatunchaspa, allimpaj qhawanata churarqanki. 6 Makiykej ruwasqasninta kamachinampaj paytaqa churarqanki, tukuy imastataj chakisnin uraman churarqanki. 7 Ovejasta, bueyesta, k'ita animalesta, 8 phawajkunata, jatun qochapi challwasta, mama qochapi tukuy kawsashajkunatawan kamachinampaj payta churarqanki. 9 Señorniyku Tata Dios, sutiykeqa may jatunmin tukuy kay pachapi.
