SALMOS 75

1Graciasta qoyku, Diosniyku. Graciasta qoyku, imaraykuchus sutiyki qayllapi kashan. Runasqa k'acha ruwasqasniykimanta willanku. 2Tata Diosqa nin: Ajllasqay ratomantapacha cheqan justiciata ruwasaj. 3Maypachachus kay pacha kharkatin, tukuy chaypi tiyakojkuna ima chaypachaqa, Noqamin sayantasninta sinch'ita sayachini. 4Umankuta oqharejkunata nini: Ama umaykichejtaqa oqhariychejchu, nispa. Sajra runastapis nillanitaj: Ama wapu wapu kaychejchu. 5Ama qhasillataqa atiyniykichejwan runaykachaychejchu. Amataj wapu wapu parlaspaqa kaychejchu, nispa. 6Jatumpaj qhawasqa kayqa mana inti llojsimuynejmantachu jamun, nitaj inti yaykuynejmantachu, nillataj ch'in pampamantachu. 7Diosmin cheqan juezqa; Payqa ujkunataqa k'umuykachachin, ujkunatataj pataman oqharin. 8Tata Diosqa makisnimpi jap'ishan poqosqa vinoyoj copata, sumaj chajrusqata. Chay vinota jich'ajtintaj, kay pachapi tukuy sajra runas ujyanqanku tukunankukama ni uj sut'uyta puchuchispa. 9Noqarí Jacobpa Diosninta rejsichisajpuni, Payta jatunchaspataj takirikusaj. 10Diosqa sajra runaspa wapu wapu kayninkuta p'akenqa, k'acha runaj atiynintatajrí jatunchanqa.

will be added

X\