SALMOS 72

1Diosníy, reyman qoy Qampa cheqan kayniykita, justiciaykitapis qoy reypa churinman. 2Payqa cheqan kayniykiwan wawasniykita kamachichun, wajchastataj kamachichun cheqan nisqaykiwan. 3Orqosqa llajtaman allin kawsayta apamuchunku, chhanka puntastaj cheqan kayta. 4Wawasniyki ukhumanta wajchaspaj reyqa justiciata ruwachun. Payqa salvanqa wajchaspa wawasninkuta, ñak'arichej runastataj saronqa. 5Wiñaypaj Qanmanta reyqa manchachikuchun, intiwan killawan kanankama. 6Reyqa qhorasta qarpaj para jina kachun, jallp'ata qarpaj chhulla jinallataj. 7Pay kamachishajtin, allin kawsay kachun, cheqan kaypis kallachuntaj, manaña killa kanankama. 8Kamachichun jatun qochamanta ujnin jatun qochakama, Éufrates Mayumanta kay pachaj k'uchusninkamataj. 9Ch'in pampaspi tiyakojkuna qonqorikuchunku ñawpaqempi. Enemigosnimpis uyamanta jallp'aman laq'akuchunku. 10Tarsismanta reyes, mama qocha kantupi reyespiwan impuestota pagachunku. Sabamanta reyes, Sebamanta reyespis sumaj imasta reyman qochunku. 11Tukuy reyes ñawpaqempi qonqorikuchunku, tukuy nacionestaj kamachisqanta ruwachunku. 12Payqa wajchata salvanqa Paymanta mañakojtin; mana piniyoj ususqa runatapis salvallanqataj, mana pi yanapajtimpis. 13Llamp'u sonqoyojkunata khuyakonqa, wajchastataj wañuymanta salvanqa. 14Ñak'arichispa sarojkunaj makisninkumanta runasta salvanqa, imaraykuchus paypajqa kawsayninku may valorniyoj. 15Jallalla reyman; Sabamanta qorita payman qochunku. Diosmanta paypaj mañapunallapuni, wiñaypajtaj bendecisqapuni kachun. 16Nacionnimpeqa ashkha trigo kachun; orqo puntaspipis trigoqa wayrawan pujllachun. Grano p'utumuchun Libanopi sach'as jina, trigoj poqoynintaj campo qhora jina kachun. 17Reypa sutenqa wiñaypajpuni kachun, allin kaynintaj inti jina unaypaj kachun. Kay pachapi kaj chhika runasqa paynejta bendecisqa kachunku. Kusikuyniyojmin, nispa tukuy ayllus kutichichunku. 18Diosninchej, Israelpa Tata Diosnin bendecisqa kachun. Pay sapallanmin jatuchaj imasta ruwan. 19Jatun sutenqa wiñaypaj yupaychasqa kachun. Kay pachantimpi jatun kaynenqa junt'a kachun. Ajina kachun, ajinapuni kachun. 20Kaypi tukukun Isaípa churin Davidpa mañakuykunan.

will be added

X\