SALMOS 7

1Señor Tata Diosníy, Qanllapi atienekuni, tukuy qhatiykachawajkunamanta jark'akuway, librawaytaj. 2Pajtataj león jina mithawankuman, manataj pipis kacharichiyta atiwanmanchu. 3Señor Tata Diosníy, juchallikorqanichu? Runa masiywanchu sajra karqani? 4Allinta ruwawaj kawsaqeyta sajra kajwanchu kutichini? Enemigoypa kapuyninta mana imallamanta jap'ikaporqanichu? 5Ajina chayqa, enemigoy mask'awachun, pampatataj qhatatawachun, honraytataj t'akachun. 6Tata Dios, phiñakuywan sayariy; oqharikuy llakichiwajkunaj phiñakuyninkoj contrampi. Qanqa justiciata churarqanki; chayrayku kutikuway. 7Munakuyniykipi tukuy naciones tantakuchunku, Qanrí patamanta paykunata kamachinki. 8Qanqa tukuy runasta juzganki. Tata Dios, juzgaway cheqan kasqayman jina, llimphu kasqayman jinataj. 9Cheqan Dios, Qan rejsinki runaj sonqonta, yachallankitaj runaj yuyayninta. Chinkachiy sajra runaspa mana allin kayninkuta; astawanqa sinch'ita sayachiy cheqan sonqoyoj runata. 10Patapi kaj Diosqa pakakunay, pichus llimphu sonqoyojkunata salvan, chaymin. 11Diosqa cheqan justiciata ruwajmin, pichus sapa p'unchay phiña kayninta rikuchin, chay. 12Runachus Diosman mana kutirikonqa chayqa, Diosqa espadanta filoyachenqa. Arco flechampis kachaykunapacha kashan. 13Nina flechasninta wakichinña, wañuchej armasnimpis wakisqaña. 14Sajra runata qhawaychej; mana allin kajwan chichuyan, ch'awka llullakuytataj wachanqa. 15Uj t'oqota ukhuta allarqa, chay allasqan t'oqollamantaj urmaykonqa. 16Chay sajra ruwasqan, Diosta mana kasusqampis umallanmantaj urmaykonqa. 17Noqaqa Diosta yupaychasaj cheqan kasqanmanta, patapi kaj Tata Diospa sutinmantaj takirikusaj.

will be added

X\