SALMOS 64

1Diosníy, willakususqayta uyariway. Manchana enemigosmanta kawsayniyta jark'akuy. 2Pakaykuway sajra runaspa pakayllapi wakichikusqasninkumanta. Libraway sajrata ruwajkunaj ch'ajwasqankumanta. 3Espadata jina qallunkuta filoyachinku. Jaya parlasqankuta venenoyoj flechasta jina kachaykunku. 4Pakayllamanta flechankuta mana juchayojkunaman kachaykunku. Ni pita manchachikuspa, ujllata flechasta kachaykunku. 5Sajrata ruwanankupaj paykunapura yanapanakunku. Tojllata churanankupaj parlanakunku, ninkutaj: Mana pipis rikonqachu, nispa. 6Sajra ruway imasta wakichispa, ninku: Kay wakichisqanchejqa allimpuni kashan, nispa, imaraykuchus yuyayninku, sonqonkupis mana entiendey atina kanku. 7Chaywampis Diosqa paykunata flechasninwan kachaykonqa. Kaymanta jinalla chay flechaswan t'ojsisqa rikhurenqanku. 8Kikin parlasqallankupitaj urmanqanku. Paykunata rikojkunataj umankuta khiwispa, alqochakonqanku. 9Chaypacha tukuy runas manchachikonqanku; Diospa ruwasqasninmanta parlanqanku, unanchanqankutaj Paypa ruwasqasnimpi. 10Cheqan runaqa Diospi kusikonqa, Paypitaj atienekonqa. Tukuy cheqan sonqoyoj kajkunataj sonqo junt'asqa kanqanku.

will be added

X\