SALMOS 63

1Diosníy, Qanmin Diosniy kanki. Imata jina mask'ayki. Qanmanta ch'akisqa kani; tukuy sonqo, tukuy alma Qanta munayki, mana yakuyoj ch'aki jallp'a jina. 2Yupaychana wasiykipi rikusuyta munani, qhawaytataj munani atiyniykita, jatun kayniykej k'anchaynintawan. 3Munakuyniykeqa kawsaymanta aswan sumaj kasqanrayku, simiywan jatunchasqayki. 4Kawsanaykamaqa Qanmanta allinta parlasaj. Makisniyta oqharispa, Qanmanta mañakusaj. 5May kusisqa, sajsasqataj almay kanqa, jatun mikhuypi sajsakoj runa jina. Kusiy takiykunawan simeyqa yupaychasonqa. 6Puñunaypi sirisqa kashaspa, Qanmanta yuyarikuni, Qampitaj unanchani. 7Qanmin kanki ari yanapawajqa. Lijrasniyki urapi kusisqa takirikuni. 8Almayqa Qanman k'askakun; paña makiykeqa mana kachariwanchu. 9Wañuchiwayta munajkunarí ukhu pachaman chinkaykonqanku. 10Espadawan wañuchisqa kanqanku, atojkunataj ayasninkuta oqoykonqanku. 11Reytajrí Diospi kusikonqa. Diospa sutimpi jurajkunaqa takispa Payta jatunchanqanku. Llullakojkunaj siminkutajrí wisq'asqa kanqa.

will be added

X\