SALMOS 61

1Diosníy, qhaparikamususqayta uyariway. Uyariway mañakusqasuyta. 2Kay pachaj k'uchunmantapacha Qanta qhaparikamuyki, sonqoypa kallpan wañunayashajtin. Noqamanta aswan jatun kaj chhankaman pusaway. 3Qanmin pakakunay kanki. Enemigoymanta librakunaypaj, sinch'i alto torre jina kanki. 4Wasiykipi wiñaypaj tiyakuyta munani, lijrasniyki urapi pakasqa. 5Qan, Diosníy, imatapis ruwanaypaj nisqasuyta uyariwanki, herenciatataj Qan qowanki, Qanta manchachikojkunapaj kashan, chayta. 6Reyman unay kawsayta qoy, ari. Unay unay watasta kawsachun. 7Reyqa Diospa ñawpaqempi wiñaypaj kakuchun. Munakuywan, cheqan kaywantaj payta waqaychay. 8Jinata sutiykitaqa wiñaypaj yupaychasaj, sapa p'unchaytaj imatapis ruwanaypaj nisqayta junt'asaj.

will be added

X\