SALMOS 6

1Tata Dios, phiñasqa kaspaqa, ama k'amiwaychu; sinch'i phiñasqa kaspapis, ama castigawaychu. 2Tata Dios, khuyakuway noqamanta; kallpay mana kanchu. Sanoyachiway, Tata Dios, imaraykuchus tukuy cuerpoy kharkatitishan. 3Manchariywan kharkatitishani, Tata Dios. Mayk'ajtaj uyariwankiri? 4Jamuy ari Tata Dios, kutirichillawayña; khuyakuyniykirayku salvaway. 5Wañuspaqa, ni pipis Qanmanta yuyarikunñachu. Pitaj jallp'aj sonqonmanta yupaychasonqari? 6Sayk'uniña jik'un jik'unta waqaspa. Tukuy tutas waqakuni sawnanayta ch'aranchaspa. 7Waqasqaypi ñawisneyqa chharpullaña; ñawisneyqa sayk'usqaña llakichiwajkunanejta. 8Karunchakuychej noqamanta, sajrata ruwajkuna, imaraykuchus waqasqaytaqa Tata Dios uyarin. 9Qhaparikusqaytapis Tata Dios uyariwan, mañakusqaytaj Tata Diosman chayan. 10Enemigosniyrí tukuyninku mancharisqa rikhurenqanku, p'enqachisqataj. Uj ñawi ch'irmiypi p'enqaywan ayqenqanku.

will be added

X\