SALMOS 59

1Diosníy, enemigosniymanta libraway. Contraypi oqharikojkunamanta salvaway. 2Sajra runaspa makisninkumanta libraway. Runa wañuchismanta salvaway. 3Atiyniyoj runasqa tantaykukuspa, wateqallawankupuni wañuchiwayta munaspa. 4Tata Dios, mana ima sajratapis ruwanichu. Chaywampis wañuchinawankupaj wakichikunku. Jatarikuspa, yanapariway; qhaway llakiyniyta. 5Tukuy Atiyniyoj Señor Tata Dios, Israelpa Diosnin, sayarikuspa, jamuy, tukuy nacionesta castigay. Ama khuyaychu chay wasanchajkuna sajrasta. 6Alqos jina ch'isin ayñaspa kutiykamunku, muyuykachankutaj llajtata. 7Nina simi runasqa jayajta parlanku: Mana pipis uyariwanchejchu, nispa. 8Qantajrí, Tata Dios, paykunamantaqa asikunki. Tukuy nacionesmanta asiykukunki. 9Diosníy, Qanllapi waqaychasqa kasaj; Qanqa sinch'i kallpay, pakakunaytaj kanki. 10Munakuwaj Diosniy ñawpaqeyta renqa. Chantá enemigosniyta atipasqata rikuchiwajtin, kusikusaj. 11Ama paykunata wañurachiychu, aylluy ama qonqakunampaj. Atiyniykiwan paykunata ch'eqerachiy, k'umuykachachiy imalla. Tata Dios, Qan jark'akuwajniyku kanki. 12Siminkuwan tukuy ima nisqankupi juchallikusqankurayku jatunchakuyninkupi ch'ipasqa kachunku. Maldecisqankurayku, llullakusqankuraykutaj urmachunku. 13Phiñakuywan paykunata pampachaspa, chinkachiy. Amaña kawsachunkuchu. Yachakuchun kay pachaj k'uchusninkama Diosqa Jacob ayllupi kamachisqan. 14Alqos jina ch'isin ayñaspa kutiykamunku, muyuykachankutaj llajtata. 15Paykunaqa mikhunata mask'aspa puriykachanku, mana sajsakuspataj, tutantin aullaspa purinku. 16Noqarí takisaj atiyniykimanta; tutamanta takisaj khuyakuyniykimanta, imaraykuchus Qanmin jark'akuwajniy kanki, llakiyniy p'unchaypitaj pakakunay kanki. 17Diosníy, Qanman takiripusqayki. Qan sinch'i sayanay, jark'akunaytaj kanki, Khuyakuwaj Diosníy.

will be added

X\