1 Sonqonkupi wampusqa ninku: Dios mana kanchu, nispa. Tukuy sajrayapunku, tukuy ima millaykunata ruwanku. Mana pipis allinta ruwajqa kanchu. 2 Janaj pachamantapacha Tata Diosqa runasta qhawamun: Ichas kanman pillapis yuyayniyoj runa, Diosta mask'aj, nispa. 3 Tukuytajrí sajra ñanta jap'irinku. Kikillantataj tukuy sajrayanku. Mana pipis allin kajta ruwajqa kanchu. Ni ujllapis kanchu. 4 Sajrata ruwajkunaqa mana yuyayniyojchu kanku, pikunachus aylluyta t'antata jina mikhukapunku, Tata Diospa sutintataj mana oqharillankupischu, chaykuna. 5 Ni ima manchachikunapaj kashajtimpis, paykunaqa manchachikuywan kharkatenqanku. Diosqa ayllumpa enemigosnimpa tullusninkuta qhalliranqa. Paykunaqa p'enqaypi rikhurenqanku Dios paykunata qhesachasqanrayku. 6 Ima sumajchus kanman Sión Orqomanta Israelpaj salvacionnin chayamunan. Dios ayllunta kacharichispa pusakampojtin, Jacobpa mirayninmanta kajkuna, Israel ayllumanta kajkuna ima kusikonqanku.
