SALMOS 52

1Imaraykutaj sajra kayniykimanta jatunchakunki, atiyniyoj runa? Diospa khuyakuynenqa kallampuni. 2Sajra ruwayllapipuni qanqa yuyanki. Qalluykeqa kaymanta jinalla pitapis nanaykuchin filo cuchillo jina. 3Allinta ruwanaykimantaqa astawan munanki sajrata ruwayta; cheqanta parlanaykimantaqa astawan llullakuyta munanki. 4Llulla simi, qan munakunki runasta nanachinapaj tukuy millay simi nisqasta. 5Chayrayku Diosqa wiñaypaj chinkarparichisonqa; jap'isuspa, wijch'usonqa wasiykimanta, kay pachamantataj t'irasonqa. 6Cheqan runasqa chayta rikuspa manchachikonqanku, kay jinatataj kusipayanqanku chay runata: 7Qhawaychej ari Diospi pakakuyta mana mask'aj runata; payqa kapuynillampi atienekorqa, sajra kaynillampitaj sayarqa, nispa. 8Noqarí q'omer olivo sach'a jina Diospa wasimpi kani. Diospa khuyakuynimpi noqaqa wiñaypaj atienekusajpuni. 9Ruwasqasniykimanta, Diosníy, jatunchasqaykipuni. Noqaqa munakusojkunaj chawpinkupi Qampi suyakusaj, may k'acha kasqaykirayku.

will be added

X\